ກະຊວງຄົມມະນາຄົມອິນໂດເນເຊຍ ສັ່ງເອົາຜິດເຈົ້າໜ້າທີ່ ທີ່ປ່ອຍໃຫ້ຖ້ຽວບິນ QZ8501 ຂອງສາຍການບິນ ແອຣ໌
ເອເຊຍ ຂຶ້ນບິນໂດຍບໍ່ໄດ້ຮັບອະນຸຍາດຢ່າງຖືກຕ້ອງ.
ວັນທີ 6 ມັງກອນນີ້ ສຳນັກຂ່າວຕ່າງປະເທດລາຍງານວ່າ ທ່ານ ດິໂຈໂຄ ມູຈັດມັອດໂຈ້ ຮັກສາການຜູ້ອຳນວຍການໃຫຍ່
ກົມຄົມມະນາຄົມທາງອາກາດ ໄດ້ຖະແຫລງວ່າ ຈະທຳການກວດສອບໃບອະນຸຍາດ ແລະ ຕາຕະລາງບິນຂອງສາຍການ
ບິນທັງໝົດທີ່ໃຫ້ບໍລິການໃນອິນໂດເນເຊຍ ເພື່ອເບິ່ງວ່າມີການລະເມີດກົດລະບຽບ ຫລື ບໍ່.
ທັງນີ້ ໃນມື້ທີ່ຖ້ຽວບິນ QZ8501 ຂອງ ແອຣ໌ ເອເຊຍ ອິນໂດເນເຊຍ ປະສົບອຸບັດເຫດຕົກລົງໃນທະເລຊະວາ ກ່ອນເຖິງ
ຈຸດໝາຍໃນປະເທດສິງກະໂປ ພ້ອມຜູ້ໂດຍສານ ແລະ ລູກເຮືອ 162 ຄົນນັ້ນ ເປັນມື້ວັນທີ 28 ທັນວາ 2014 ໂດຍມື້ດັ່ງນີ້
ແມ່ນເປັນມື້ທີ່ສາຍການບິນ ແອຣ໌ ເອເຊຍ ບໍ່ໄດ້ຮັບອະນຸຍາດໃຫ້ບິນໃນເສັ້ນທາງດັ່ງກ່າວ.
ທ່ານ ດິໂຈໂຄ ຍັງເວົ້າຢ້ຳອີກວ່າ ແອຣ໌ ເອເຊຍ ອິນໂດເນເຊຍ ເຊິ່ງເປັນກິດຈະການໃນກຸ່ມບໍລິສັດຂອງ ແອຣ໌ ເອເຊຍ ນັ້ນ
ມີສຳນັກງານໃຫຍ່ຕັ້ງຢູ່ໃນມາເລເຊຍ ໄດ້ກະທຳຜິດຢ່າງຈະແຈ້ງ ແລະ ກຳລັງເລັ່ງສອບສວນວ່າ ສາເຫດໃດສາຍການບິນ
ນີ້ ຈິ່ງສາມາດໃຊ້ຕາຕະລາງບິນທີ່ບໍ່ໄດ້ຮັບອະນຸຍາດມາດົນເຖິງ 3 ເດືອນແລ້ວ ໂດຍທີ່ກະຊວງຄົມມະນາຄົມຂອງອິນໂດ
ເນເຊຍ ບໍ່ໄດ້ມີການດຳເນີນການໃດໆເລີຍ.