ແອຣ໌ ເອເຊຍ ພ້ອມຈ່າຍເງິນຊົດເຊີຍເບື້ອງຕົ້ນແກ່ຄອບຄົວຜູ້ເສຍຊີວິດ ຄົນລະ 24,000 ໂດລາ ຈາກເຫດຖ້ຽວບິນ

QZ 8501 ຕົກໃນວັນທີ 28 ທັນວາ 2014 ຜ່ານມາ.

ສຳນັກຂ່າວຕ່າງປະເທດ ລາຍງານໃນວັນທີ 5 ມັງກອນຜ່ານມານີ້ວ່າ ສະມາຊິກຄອບຄົວຂອງຜູ້ເສຍຊີວິດຫລາຍຄອບ

ຄົວ ໄດ້ເປີດເຜີຍຕໍ່ສື່ມວນຊົນວ່າ ພວກຕົນໄດ້ຮັບຈົດໝາຍຈາກທາງສາຍການບິນ ແອຣ໌ ເອເຊຍ ເປັນລາຍລະອຽດ

ກ່ຽວກັບການທີ່ສາຍການບິນ ຈະຈ່າຍເງິນຊົດເຊີຍເບື້ອງຕົ້ນ ໃຫ້ແກ່ຜູ້ເສຍຊີວິດ ຄົນລະ 24,000 ໂດລາສະຫະລັດ ຫລື

ປະມານ 194 ລ້ານກີບ ພ້ອມທັງລະບຸວ່າ ເງິນຊົດເຊີຍດັ່ງກ່າວນີ້ ແມ່ນສຳລັບໃຫ້ຄອບຄົວຂອງຜູ້ສູນເສຍ ແກ້ໄຂຜ່ານ

ຄວາມຍາກລຳບາກ ໃນໄລຍະເວລາຂອງການຄົ້ນຫາຜູ້ເສຍຊີວິດ.

ທັງນີ້ ທີມຄົ້ນຫາຂອງສາຍການບິນ ສາມາດກູ້ສົບຂຶ້ນຈາກທະເລໄດ້ແລ້ວ 34 ສົບ ຈາກຈຳນວນຜູ້ໂດຍສານ ແລະ ລູກ

ເຮືອທັງໝົດ 162 ຄົນ.