ເມື່ອບໍ່ດົນມານີ້ ປກສ ແຂວງຄຳມ່ວນ ສາມາດນຳຈັບຕົວໂຈນມືກາວຕົວອັນຕະລາຍ ຊື່ທ້າວ ສອນສັກດາ ອາຍຸ 30 ປີ
ຢູ່ບ້ານສີວິໄລ ເມືອງປາກຊັນ ແຂວງບໍລິຄຳໄຊ ມາດຳເນີນຄະດີຕາມລະບຽບກົດໝາຍ, ພາຍຫລັງຜູ້ກ່ຽວໄດ້ລົງມືງັດແງະ
ຮ້ານແລກປ່ຽນເງິນ ຢູ່ບ້ານສັນຕິສຸກ ເມືອງທ່າແຂກ ແຂວງຄຳມ່ວນ ແລະ ກວາດຊັບສີນໄປຫລາຍກວ່າໜຶ່ງຕື້ກີບ.
ຜ່ານການສືບສວນ – ສອບສວນ ຂອງເຈົ້າໜ້າທີ່ ທ້າວ ສອນສັກດາ ຮັບສາລະພາບວ່າ: ກ່ອນໜ້ານັ້ນ ຕົນໄດ້ໄປປ່ຽນ
ເງິນຢູ່ຮ້ານດັ່ງກ່າວເປັນປະຈຳ, ມາຮອດວັນທີ 25 ພະຈິກ 2014 ຕົນຈຶ່ງໄດ້ງັດແງະເຂົ້າຮ້ານດັ່ງກ່າວ ແລະ ໄດ້ກວາດເອົາ
ຊັບສີນຄື: ເງິນ 300 ລ້ານກີບ, 2,8 ລ້ານບາດ, 6.500 ໂດລາສະຫະລັດ, 2.250 ໂດລາ ອົດສະຕາລີ, 2.700 ໂດລາການາ
ດາ, 12.400 ເອີໂຣ, 1.200 ລ້ານດົງ (ສະກຸນເງິນຫວຽດນາມ), 1,2 ລ້ານກວ່າເຢນ(ສະກຸນເງິນຍີ່ປຸ່ນ), ສາຍແອວທອງ
ນາກ 5 ເສັ້ນ ໜັກ 38 ບາດ ແລະ ຄຳຮູບປະພັນໜັກ 40 ບາດ ແລະ ຕົກມາຮອດວັນທີ 19 ທັນວາ 2014 ຈຶ່ງຖືກເຈົ້າ
ໜ້າທີ່ຈັບຕົວໄດ້ຢູ່ເຮືອນຂອງຕົນມາດໍາເນີນຄະດີ, ສ່ວນຊັບສີນທີ່ຜູ້ກ່ຽວເອົາໄປ ເຈົ້າໜ້າທີ່ສາມາດເກັບກູ້ຄືນມາໄດ້
ຈຳນວນໜຶ່ງ.
ເຈົ້າໜ້າທີ່ໃຫ້ຮູ້ວ່າ ທ້າວ ສອນສັກດາ ເຄີຍຕ້ອງໂທດມາແລ້ວສອງຄັ້ງ, ຄັ້ງທີໜຶ່ງຖືກຈຳຄຸກຢູ່ແຂວງສະຫວັນນະເຂດ
ເປັນເວລາ 3 ປີ ແລະ ຄັ້ງທີສອງ ຈຳຄຸກຢູ່ນະຄອນຫລວງວຽງຈັນເປັນເວລາ 3 ເດືອນໃນຂໍ້ຫາລັກຊັບພົນລະເມືອງ.
ແຫລ່ງຂ່າວ: ລາວພັດທະນາ