ຫວຽດນາມຈະຕິດຕັ້ງອິນເຕີເນັດແບບໄຮ້ສາຍ (WiFi) ເທິງລົດໄຟສາຍດ່ວນເໜືອ – ໃຕ້ ໃຫ້ບໍລິການແບບບໍ່ເສຍຄ່າ

ເພື່ອຫວັງແຂ່ງຂັນກັບການຂົນສົ່ງໂດຍສານດ້ວຍຊ່ອງທາງອື່ນ.

ສຳນັກຂ່າວຕ່າງປະເທດ ລາຍງານໃນວັນທີ 4 ມັງກອນຜ່ານມານີ້ວ່າ ທ່ານ ຫງວຽນ ວັນ ບິງ ຮອງຜູ້ອຳນວຍການຂອງບໍລິສັດ

ຂົນສົ່ງໂດຍສານທາງລົດໄຟຮ່າໂນ້ຍ (Hanoi Railway Passenger Transport Company) ໄດ້ເປີດເຜີຍວ່າ ການຕິດຕັ້ງອິນ

ເຕີເນັດແບບໄຮ້ສາຍ ເທິງລົດໄຟທີ່ແລ່ນໃຫ້ບໍລິການຈາກນະຄອນຫລວງຮ່າໂນ້ຍ ໄປນະຄອນໂຮ່ຈິມິນ ແມ່ນມີກຳນົດຈະໃຫ້

ສຳເລັດພາຍໃນວັນທີ 20 ມັງກອນນີ້ ເພື່ອໃຫ້ບໍລິການແກ່ຜູ້ໂດຍສານ ໃຫ້ທັນໃນໄລຍະສະເຫລີມສະຫລອງປີໃໝ່ຂອງຊາວ

ຫວຽດນາມ (ກຸດເຕັດ) ເຊິ່ງເປັນວັນພັກທາງລັດຖະການທີ່ໃຫຍ່ທີ່ສຸດຂອງປະເທດ ໂດຍໃນໄລຍະດັ່ງກ່າວນີ້ ຊາວຫວຽດນາມ

ຈະມີການເດີນທາງຢ່າງແໜ້ນໜາ ເພື່ອກັບຄືນພູມລຳເນົາ ແລະ ການທ່ອງທ່ຽວກໍເພີ່ມຂຶ້ນອີກເຊັ່ນດຽວກັນ.