ອົງການປົກຄອງນະຄອນໂຮ່ຈິມິນ ໄດ້ຈັດສະແດງຈູດພຸ ແລະ ດອກໄມ້ໄຟຢ່າງຍິ່ງໃຫຍ່ ຕ້ອນຮັບປີ 2015 ໃນຄືນວັນທີ
31 ທັນວາຜ່ານມາ ເຊິ່ງເປັນປີຄົບຮອບທີ 40 ບັ້ນຮົບປົດປ່ອຍໄຊງ່ອນ.
ການສະແດງໄດ້ຈັດຂຶ້ນຢູ່ໃນເຂດໃນກາງເມືອງ ທ່າມກາງປະຊາຊົນ ແລະ ນັກທ່ອງທ່ຽວເຂົ້າຊົມຈຳນວນຫລາຍແສນຄົນ
ໂດຍນອກຈາກຈະມີການຈູດພຸ ແລະ ດອກໄມ້ໄຟແລ້ວ ຍັງມີການຍິງແສງເລເຊີສາມມິຕິ ຫລາກຫລາຍສີສັນຈາກອາຄານ
ສູງຕ່າງໆອີກດ້ວຍ ເຮັດໃຫ້ທ້ອງຟ້າເໜືອນະຄອນໂຮ່ຈິມິນ ສະຫວ່າງສະໄຫວສວຍສົດງົດງາມໄປທົ່ວ.
ການສະແດງດອກໄມ້ໄຟເປັນເວລາ 15 ນາທີ ກັບການຍິງແສງເລເຊີລະບົບ 3 ມິຕິ ສະຫລັບກັນເປັນຮູບພາບຕ່າງໆເຊັ່ນ:
ຮູບປະທານໂຮ່ຈິມິນ, ຮູບທຸງຊາດຫວຽດນາມ ແລະ ທຸງພັກທ່າມທາງສຽງຕົບມືດັງກຶກກ້ອງຈາກມວນຊົນ.
