ຊາຍຍີ່ປຸ່ນມີອາການຄ້າຍຕິດເຊື້ອອີໂບລາ ມີໄຂ້ຂຶ້ນສູງຫລັງຈາກກັບມາແຕ່ປະເທດ ເຊຍຣາ ລີໂອນ ເຊິ່ງຜູ້ກ່ຽວລະບຸ

ເຄີຍສຳຜັດກັບຖົງຫໍ່ສົບຄົນເຈັບອີໂບລາດ້ວຍມືເປົ່າ.

ສຳນັກຂ່າວຕ່າງປະເທດ ລາຍງານໃນວັນທີ 29 ທັນວາຜ່ານມາວ່າ ໄດ້ກັກຕົວຊາຍ ອາຍຸ 30 ປີ ຈາກນະຄອນຫລວງໂຕ

ກຽວ ໂດຍຄາດອາດຕິດເຊື້ອອີໂບລາ ຫລັງຈາກພົບອາການໄຂ້ຂຶ້ນສູງ ໂດຍຜູ້ກ່ຽວໃຫ້ການຕໍ່ເຈົ້າໜ້າທີ່ວ່າ ຕົນເອງໄດ້

ເດີນທາງໄປປະເທດ ເຊຍຣາ ລີໂອນ ຕັ້ງແຕ່ວັນທີ 17 ທັນວາ ແລະ ໄດ້ເຄີຍສຳຜັດກັບຖົງຫໍ່ສົບຄົນເຈັບເຊື້ອອີໂບລາ

ດ້ວຍມືເປົ່າ ໃນລະຫວ່າງທີ່ມີການຝັງຮ່າງຂອງຜູ້ເສຍຊີວິດຈາກໄວຣັສມໍລະນະ ໃນມື້ວັນທີ 21 ທັນວາຜ່ານມາ.

ຊາຍຄົນດັ່ງກ່າວນີ້ ເດີນທາງກັບມາເຖິງຍີ່ປຸ່ນ ໃນມື້ວັນທີ 23 ທັນວາຜ່ານມາ ແລະ ຖືກກັກບໍລິເວນຢູ່ແຕ່ໃນເຮືອນ

ຕາມຄຳສັ່ງຂອງທາງການ, ແຕ່ສະເພາະໃນຕອນບ່າຍຂອງວັນຈັນທີ 29 ທັນວາຜ່ານມານີ້ ທາງແພດໄດ້ກວດພົບໄຂ້

ຂຶ້ນສູງ 38.2 ອົງສາ ຈິ່ງຮີບນຳຕົວຂອງຜູ້ກ່ຽວເຂົ້າໂຮງໝໍ.