ເຈົ້າໜ້າທີ່ຕຳຫລວດອິນເດຍເປີດເຜີຍ ເກີດເຫດລະເບີດໃຈກາງເມືອງເບັງກາລູຣຼ ເຊິ່ງເປັນສູນກາງເຕັກໂນໂລຊີ ຢູ່ທາງ
ພາກໃຕ້ຂອງອິນເດຍ ມື້ວານນີ້ (28 ທັນວາ) ມີຜູ້ໄດ້ຮັບບາດເຈັບຢ່າງໜ້ອຍ 2 ຄົນ.
ສຳນັກຂ່າວຕ່າງປະເທດ ລາຍງານໃນວັນທີ 29 ທັນວານີ້ວ່າ ໃນມື້ວານນີ້ໄດ້ເກີດເຫດລະເບີດຂຶ້ນ ຢູ່ດ້ານນອກຮ້ານອາຫານ
ແຫ່ງໜຶ່ງ ເຊິງຕັ້ງຢູ່ໃນເຂດທຸລະກິດກາງເມືອງເບັງກາລູຣູ ໂດຍຮອດປັດຈຸບັນນີ້ກໍຍັງບໍ່ທັນຮູ້ສາເຫດທີ່ຊັດເຈນເທື່ອ.
ທ່ານ ປຣະຈັນ ເຣົາ ເຈົ້າໜ້າທີ່ຕຳຫລວດໃນພື້ນທີ່ດັ່ງກ່າວ ໄດ້ອອກມາຢືນຢັນກັບສື່ມວນຊົນວ່າ ຍັງບໍ່ພົບຜູ້ເສຍຊີວິດຈາກ
ເຫດລະເບີດໃນຄັ້ງນີ້ ເຊິ່ງພົບພຽງແຕ່ຜູ້ໄດ້ຮັບບາດເຈັບຢ່າງໜ້ອຍ 2 ຄົນ.
ທັງນີ້ ເມື່ອປີທີ່ແລ້ວ ກໍເກີດເຫດລະເບີດລັກສະນະດຽວກັນ ໃນເຂດໃຈກາງເມືອງເບັງກາລູຣູ ໂດຍໃນເທື່ອນັ້ນ ມີຜູ້ໄດ້ຮັບ
ບາດເຈັບຢ່າງໜ້ອຍ 13 ຄົນ.
