ຮອງນາຍົກລັດຖະມົນຕີ ແລະ ລັດຖະມົນຕີວ່າການກະຊວງການຕ່າງປະເທດຫວຽດນາມ ທ່ານ ຟາມ ບິງ ມິງ ໄດ້ໂທລະ
ສັບ ກັບຄູ່ຮ່ວມຕຳແໜ່ງຂອງອິນໂດເນເຊຍ ຢືນຢັນຈຸດປະສົງທີ່ຈະເຂົ້າຮ່ວມຄົ້ນຫາ ແລະ ກູ້ໄພ QZ8501 ສູນຫາຍ.
ສຳນັກຂ່າວຕ່າງປະເທດ ລາຍງານໃນວັນທີ 29 ທັນວານີ້ວ່າ ທ່ານ ຟາມ ບິງ ມິງ ໄດ້ໂທລະສັບເຖິງທ່ານ ນາງ ໂຣດໂນ ເລສະ
ຕາຣີ ມາສຸດີ ລັດຖະມົນຕີວ່າການກະຊວງການຕ່າງປະເທດອິນໂດເນເຊຍ ໃນວັນທີ 28 ທັນວາຜ່ານມາ ໂດຍກ່າວຢ້ຳວ່າ
ລັດຖະບານ ແລະ ປະຊາຊົນຊາວຫວຽດນາມ ມີຄວາມຫ່ວງໄຍຢ່າງເລິກເຊິ່ງ ຕໍ່ຄອບຄົວຂອງຜູ້ໂດຍສານໄປກັບຖ້ຽວບິນດັ່ງ
ກ່າວ ທີ່ຂາດການຕິດຕໍ່ກັບຫໍບັງຄັບການບິນ ໃນຕອນເຊົ້າຂອງວັນທີ 28 ທັນວາຜ່ານມານີ້ ໂດຍທາງດ້ານອິນໂດເນເຊຍ
ເອງກໍໄດ້ແຈ້ງຕໍ່ຫວຽດນາມ ເຖິງສະຖານະການລ່າສຸດ ພ້ອມທັງສະແດງຄວາມຂອບໃຈ ຕໍ່ຂໍ້ສະເໜີໃຫ້ຄວາມຊ່ວຍເຫລືອ
ດັ່ງກ່າວ, ທາງການຂອງອິນໂດເນເຊຍ ຈະໃຫ້ການພິຈາລະນາ ຖ້າຫາກມີຄວາມຈຳເປັນ.
ທັງນີ້ ສິງກະໂປໄດ້ສົ່ງເຮືອບິນ ແລະ ເຮືອເດີນທະເລເຂົ້າຮ່ວມໃນການຄົ້ນຫາແລ້ວ ໃນຂະນະທີ່ສະຫະລັດ, ອົດສະຕາລີ ແລະ
ອິນເດຍ ກໍໄດ້ປະກາດຄວາມປະສົງທີ່ຈະເຂົ້າຮ່ວມຄົ້ນຫາ ແລະ ກູ້ໄພ ຕໍ່ເຫດການດັ່ງກ່າວເຊັ່ນດຽວກັນ.