ພິທີເຊັນສັນຍາການມອບເໝົາ ໃຫ້ບໍລິການດ້ານ Air Cargo ຫຼື ການຂົນສົ່ງສິນຄ້າສາກົນ ຈັດຂຶ້ນວັນທີ 25 ທັນວາ
2014ທີ່ສະໜາມບິນສາກົນວັດໄຕ ລົງນາມລະຫວ່າງທ່ານນາງ ຄັດທະຈັນ ຈັນທະບູລີ ປະທານບໍລິສັດ ຮຸ່ງເຮືອງລາວ
ໂລເຈັສຕິກ ຈຳກັດ ແລະ ທ່ານ ກາຍແກ້ວ ວໍລະລາດ ຜູ້ອຳນວຍການບໍລິສັດ ລາວ-ຍີ່ປຸ່ນ ບໍລິການອາຄານສະໜາມ
ບິນ ຈຳກັດ ມີທ່ານ ຢາກົວ ລໍປາງກາວ ຫົວໜ້າກົມການບິນພົນລະເຮືອນ ພ້ອມດ້ວຍແຂກຖືກເຊີນເຂົ້າຮ່ວມເປັນ
ພິຍານ.
ທ່ານນາງ ຄັດທະຈັນ ຈັນທະບູລີ ກ່າວວ່າ: ພາຍຫຼັງທີ່ເຊັນສັນຍາກັນແລ້ວ ບໍລິສັດພວກເຮົາຈະເລັ່ງພັດທະນາ ແລະ
ປັບປຸງສາງດັ່ງກ່າວ ທັງທາງດ້ານອຸປະກອນເຄື່ອງມືຕ່າງໆ ເຝິກອົບຮົມພະນັກງານ ລະບົບຊອບແວສາງ ໃຫ້ໄດ້ມາດ
ຕະຖານທຽບເທົ່າສາກົນ ນອກຈາກນີ້ຍັງໄດ້ຮ່ວມມືກັບ ບໍລິສັດ Profreight International (ປະເທດໄທ) ເພື່ອເປັນ
ທີ່ປຶກສາ ໃນການບໍລິຫານຈັດການສາງຂົນສົ່ງສິນຄ້າ ເຊິ່ງຈະໃຊ້ເວລາປະມານ 3 ເດືອນ ຈຶ່ງຈະສາມາດເປີດໃຫ້ບໍລິ
ການ ເພື່ອຮອງຮັບການຂົນສົ່ງສິນຄ້າທາງອາກາດທີ່ນັບມື້ຫຼາຍຂຶ້ນ ທັງນີ້ກໍ່ເພື່ອກຽມພ້ອມຮອງຮັບການເຂົ້າເປັນ
ສະມາຊິກ ປະຊາຄົມເສດຖະກິດອາຊຽນ ຫຼື (AEC) ໃນທ້າຍປີ 2015.
ທ່ານ ກາຍແກ້ວ ວໍລະລາດ ກ່າວວ່າ: ການມອບໝາຍໃຫ້ບໍລິສັດ ຮຸ່ງເຮືອງລາວ ໂລເຈັສຕິກ ເປັນຜູ້ໃຫ້ບໍລິການວຽກ
ງານດັ່ງກ່າວ ຢູ່ສະໜາມບິນສາກົນວັດໄຕ ຈະເຮັດໃຫ້ວຽກງານການຂົນສົ່ງທາງອາກາດ ໄດ້ຮັບການຍົກລະດັບຂຶ້ນ
ຕື່ມອີກບາດກ້າວໜຶ່ງ ເນື່ອງຈາກວ່າລະບົບສາງມີຄວາມພ້ອມຢ່າງຄົບຊຸດ ອີກທັງບໍລິສັດດັ່ງກ່າວ ໄດ້ມີບົດຮຽນ
ແລະ ປະສົບການໃນການໃຫ້ບໍລິການວຽກງານດັ່ງກ່າວນີ້ມາກ່ອນແລ້ວ ຍິ່ງໄປກວ່ານັ້ນ ປັດຈຸບັນກໍ່ຍັງໄດ້ໃຫ້ບໍລິ
ການແກ່ສາຍການບິນ ເຊັ່ນ: Air Asia ແລະ Bangkok Airways ເປັນປະຈຳຢູ່ແລ້ວ ແລະ ກຳລັງເຈລະຈາຕື່ມກັບ
ບາງ Airline ຢູ່.
ແຫລ່ງຂ່າວ: ວຽງຈັນໃໝ່