spot_img
Homeຂ່າວການສຶກສາແຂວງ​ວຽງ​ຈັນ​ ປະ­ກາດ​ລົບ​ລ້າງ​ຊັ້ນ​ປະ­ຖົມ​ບຳ­ລຸງ

ແຂວງ​ວຽງ​ຈັນ​ ປະ­ກາດ​ລົບ​ລ້າງ​ຊັ້ນ​ປະ­ຖົມ​ບຳ­ລຸງ

Published on

34c7531bb8835751da5e7dc8f2ab6bd3

 

ປະ­ຊາ­ກອນ​ໃນ​ເກນ​ອາຍຸ15-40 ປີ​ຂອງ​ແຂວງ​ວຽງ​ຈັນ​ໄດ້​ຈົບ​ຂັ້ນ​ປະ­ຖົມ​ບຳ­ລຸງ 98,72% ຂອງ​ຈຳ­ນວນ​ປະ­ຊາກອນ​ທັງ​ໝົດ,

ຂະ­ນະ​ທີ່ອັດ­ຕາ​ເຂົ້າ​ຮຽນ​ສຸດ­ທິ​ຊັ້ນ​ປະ­ຖົມ​ເພີ່ມ​ຂຶ້ນ 99,27% ແລະ ອັດ​ຕາ­ຄ້າງ​ຫ້ອງ​ຫຼຸດ​ລົງ 2,06% ຊຶ່ງເປັນ​ເງື່ອນ­ໄຂ​ໃນ​ການ

​ປະ­ກາດ​ຈົບ​ຊັ້ນ​ປະຖົມ​ບຳ­ລຸງ​ທົ່ວ​ແຂວງ.

 

ການ​ປະ­ກາດ​ຈົບ​ຊັ້ນ​ປະ­ຖົມ​ບຳ­ລຸງທົ່ວ​ແຂວງ​ມີ​ຂຶ້ນ​ໃນ​ວັນ​ທີ 26 ທັນ­ວາທີ່​ຜ່ານ​ມາ ທີ່​ສະ­ໂມ­ສອນ​ໃຫຍ່​ຂອງແຂວງ​ໂດຍ​ມີ

ທ່ານ ດຣ.ພັນ​ຄຳ ວິ­ພາ​ວັນ ຮອງ​ນາ­ຍົກ­ລັດ­ຖະ­ມົນ­ຕີ, ລັດ­ຖະ­ມົນ­ຕີ​ວ່າການ​ກະ­ຊວງ​ສຶກ​ສາ​ທິ​ການ ແລະ ກີ­ລາ, ທ່ານ ຄຳ​ເມິງ

ພົງ​ທະ​ດີ ເຈົ້າ­ແຂວງໆວຽງ​ຈັນ, ມີ​ທ່ານ​ຮອງ​ເຈົ້າ­ແຂວງ​ໄຊ​ຍະບູ​ລີ, ແຂວງ​ບໍ​ລິ​ຄຳ​ໄຊ, ຫຼວງ​ພະ​ບາງ,  ບັນ­ດາ​ພະ­ແນກ­ການ​

ຈາກ​ນະ­ຄອນ­ຫຼວງ​ວຽງ​ຈັນ, ໄຊ​ສົມ­ບູນ, ພ້ອມ​ດ້ວຍ​ບັນ­ດາທ່ານ​ໃນ​ຄະ­ນະ​ປະ­ຈຳ​ພັກ​ແຂວງ​ບັນ­ດາເຈົ້າ­ເມືອງ ແລະ ຜູ້​ບໍ­ລິ

­ຫານ​ງານ​ສຶກ​ສາພາຍ​ໃນ​ແຂວງ​ເຂົ້າ​ຮ່ວມ.

 

ທ່ານ ຄຳ​ເມິງ ພົງ​ທະ​ດີ ມີ​ຄຳ​ເຫັນວ່າ: ປະ­ຈຸ​ບັນ​ແຂວງ​ວຽງ​ຈັນ​ມີ 11 ເມືອງ, ມີ 434 ບ້ານ, ມີ​ພົນ­ລະ­ເມືອງ 433.370 ຄົນ ປະ​

ຊາຊົນ​ສ່ວນ​ໃຫຍ່​ມີ​ອາຊີບ​ກະ­ສິ­ກຳ​ກວມ 80% ສົກ​ຜ່ານ​ມາ​ມີ ລວມ​ຍອດ​ຜະ­ລິດ​ຕະ​ພັນ​ພາຍ​ໃນ 4.667 ຕື້​ກີບ; ສຳ­ລັບ​ວຽກ​

ງານ​ສຶກ​ສາ​ຄະ­ນະ​ນຳຂອງ​ແຂວງ​ໄດ້​ເອົາ­ໃຈ­ໃສ່​ຂະ­ຫຍາຍ​ຕາໜ່າງ​ ການ​ສຶກ​ສາ​ລົງ​ສູ່​ເຂດ​ຊົນ­ນະ­ບົດຫ່າງ​ໄກ​ສອກ­ຫຼີກ​ເຮັດ​ໃຫ້

​ອັດ­ຕາ​ ເຂົ້າຮຽນ​ສຸດ­ທິ​ໃນ​ຊັ້ນ​ປະ­ຖົມ​ເພີ່ມ​ຂຶ້ນ 99,27% ອັດ​ຕາ­ຄ້າງ​ຫ້ອງ​ຫຼຸດ​ລົງ 2,06% ອັດ­ຕາ​ເລື່ອນ​ຂັ້ນ-ຈົບ​ຊັ້ນ​ປະຖົມ​

ເພີ່ມ​ຂຶ້ນ 97,01%, ອັດ­ຕາ​ເລື່ອນຂັ້ນ-ຈົບ​ມັດ­ທະ­ຍົມ​ຕົ້ນ 98,72% ປະ­ຊາ ກອນ​ໃນ​ເກນ​ອາ­ຍຸ 15-40 ປີ ຈົບ​ປະຖົມ  98,57%.

 

ດ້ານ ທ່ານ ນາງ ຈັນ​ແພງ ວິ­ພາ​ວັນ ຫົວ­ໜ້າ​ພະ​ແນກ​ສຶກ​ສາ​ແຂວງ​ວຽງຈັນ​ ກ່າວ​ວ່າ: ໃນ​ປີ 1997 ປະ­ຊາ­ກອນ ໃນ​ເກນ​ອາ­ຍຸ

15-40 ປີ ບໍ່​ຈົບ​ຊັ້ນ​ປະຖົມ​ບຳ­ລຸງ​ມີ​ເຖິງ 9.385 ຄົນ, ຍິງ 6.656 ຄົນ ດັ່ງ­ນັ້ນ ຂະ­ແໜງ­ການ​ສຶກ​ສາ​ໄດ້​ສົມ­ທົບ​ກັບ​ອຳ­ນາດ​ການ​

ປົກ­ຄອງ​ຂັ້ນ​ຕ່າງໆ​ຈັດ​ຕັ້ງ ​ບຳ­ລຸງ​ຄືນ​ຕາມ​ແຕ່​ລະ​ບາດ­ກ້າວ​ຄື: ວາງ​ແຜນ, ເກັບ​ກຳ​ຂໍ້​ມູນ ໂຄ­ສະ­ນາ​ອົບ­ຮົມ, ດຳ­ເນີນ​ການ​

ຮຽນ-ການ​ສອນ​ຢ່າງ​ມີ​ຜົນ­ສຳ­ເລັດ ຊຶ່ງ​ບັນ­ດາເມືອງ 11 ຕົວ​ເມືອງ ທົ່ວ​ແຂວງ​ສາ­ມາດ ປະ­ກາດ​ລົບ​ລ້າງ​ແຕ່​ປີ 2000 ເປັນ­

ຕົ້ນມາ, ເມືອງ​ຫຼ້າ​ສຸດ​ແມ່ນ​ປີ 2012 ແລະ ສາ­ມາດ​ປະ­ກາດ​ລົບ​ລ້າງ​ຊັ້ນ​ປະ­ຖົມ​ບຳລຸງ​ທົ່ວ​ແຂວງ​ຢ່າງ​ເປັນ​ທາງ​ການ​ໃນ​ ວັນ​ທີ

26 ທັນ­ວາ 2014.

 

ໃນ​ໂອ­ກາດ​ນີ້ ທ່ານ ດຣ. ພັນ​ຄຳ ວິ­ພາ​ວັນ ໄດ້​ໃຫ້​ກຽດ​ໂອ້​ລົມ ຊຶ່ງ​ທ່ານ​ໄດ້​ຮຽກ­ຮ້ອງ​ມາ​ຍັງ​ຄະ­ນະ​ນຳ​ຂອງ​ແຂວງ, ຜູ້​ບໍ­ລິ­ຫານ​

ງານ​ສຶກ​ສາ ແລະ ກີ­ລາ, ປະຊາ​ຊົນ​ບັນ­ດາ­ເຜົ່າ​ຈົ່ງ​ພ້ອມ​ກັນ​ເສີມ​ຂະຫຍາຍ​ມູນ­ເຊື້ອ​ປະ­ຕິ­ວັດ, ມູນ­ເຊື້ອ​ວີ­ລະຊົນ​ອັນ​ອົງ­ອາດ​

ກ້າ­ຫານ​ໃນ​ເມື່ອ​ກ່ອນເຂົ້າ​ສູ່​ການ​ປົກ​ ປັກ​ຮັກ­ສາ ແລະ ສ້າງ­ສາແຂວງ​ວຽງ​ຈັນ​ໃຫ້​ຈະ­ເລີນ​ເຂັ້ມ­ແຂງ ແລະ ຮັ່ງ­ມີ, ສຳ­ລັບ​ວຽກ

​ງານ​ສຶກ​ສາແມ່ນ​ໃຫ້​ສືບ­ຕໍ່​ຈັດ​ຕັ້ງ​ບຳ­ລຸງ​ຍົກ​ລະ­ດັບໃຫ້​ສູງ​ ຂຶ້ນ,ຈົບ​ຊັ້ນ​ປະ­ຖົມ​ແລ້ວ​ແມ່ນ​ໃຫ້ຍົກ​ລະ­ດັບ​ການ​ຮຽນ​ໃຫ້​ຈົບ​ມໍ

​ຕົ້ນ ແລະ ມ.ປາຍ ຕໍ່​ໄປ.

 

ໃນ​ການ​ປະ­ກາດ​ຄັ້ງ​ນີ້ ທ່ານ​ລັດ​ຖະມົນ­ຕີ​ກະ­ຊວງ​ສຶກ​ສາ ຍັງ​ໄດ້​ມອບ​ໃບ​ຢັ້ງຢືນ​ການ​ຈົບ​ຊັ້ນ​ປະ­ຖົມ​ບຳ­ລຸງ​ໃຫ້​ແກ່ ແຂວງ​ວຽງ

​ຈັນ ໂດຍ​ແມ່ນ​ທ່ານ​ເຈົ້າແຂວງ​ເປັນ​ຜູ້​ຮັບ, ຫຼັງ​ຈາກ​ນັ້ນ ກໍ​ໄດ້​ມີການ​ຕັດ​ແຖບ​ຜ້າ, ຕີ​ຄ້ອງ, ປ່ອຍ​ປູມ​ເປົ້າ ເພື່ອ​ເປັນ​ສັນ­ຍາ

​ລັກ​ແຫ່ງ​ການ​ປະ­ກາດລົບ​ລ້າງ​ຊັ້ນ​ປະ­ຖົມ​ບຳ­ລຸງ​ທົ່ວ​ ແຂວງຢ່າງ​ເປັນ​ທາງ​ການ.

 

ແຫລ່ງຂ່າວ: ເສດຖະກິດ – ສັງຄົມ

 

ບົດຄວາມຫຼ້າສຸດ

ຄົ້ນຄວ້າ-ປຶກສາຫາລື 8 ບັນດາຫົວຂໍ້ທີ່ສໍາຄັນ ໃນກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025

ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ໄດ້ໄຂຂຶ້ນໃນຕອນເຊົ້າ ວັນທີ 25 ສິງຫາ2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ,...

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...