ສຳນັກຂ່າວຕ່າງປະເທດ ໄດ້ເຜີຍແຜ່ພາບສາວນັກສຶກສາຈີນກຸ່ມໜຶ່ງ ສວມຊຸດຈີນບູຮານ ແລະ ຖືປ້າຍປຸກລະດົມບໍ່ເອົາ
ການສະຫລອງຄຣິສຕ໌ມາສ ເທິງຖະໜົນແຫ່ງໜຶ່ງໃນເມືອງສັງຊາ ແຂວງຫູໜານ ເມື່ອວັນທີ 24 ທັນວາຜ່ານມາ.
ລາຍງານຂ່າວໄດ້ກ່າວວ່າ ນັກສຶກສາສາວກຸ່ມນີ້ ໄດ້ຖືປ້າຍຂໍ້ຄວາມເຊິ່ງຂຽນເຊີນຊວນ ໃຫ້ປະຕິເສດສິນຄ້າ ແລະ ງານສະ
ຫລອງຄຣິສຕ໌ມາສ ແລະ ບາງປ້າຍກໍຂຽນວ່າ ປະເພນີຈີນບໍ່ສະເຫລີມສະຫລອງເທດສະການຂອງຊາວຕ່າງປະເທດ.
ທັງນີ້ ປະກົດເຫັນການປຸກລະດົມໃນລັກສະນະນີ້ ໄດ້ຮັບຄວາມສົນໃຈຈາກຜູ້ຄົນທີ່ຜ່ານກາຍໄປມາ ເພາະເປັນການກະທຳ
ໃນເຂດພື້ນທີ່ ເຊິ່ງກຳລັງຈັດກິດຈະກຳຄຣິສຕ໌ມາສກັນຢູ່ຢ່າງມ່ວນຊື່ນ, ພ້ອມນັ້ນຍັງໄດ້ປະເຊີນໜ້າກັບຊານຕາຄຣອສ໌
ຈີນໃນບໍວິເວນດັ່ງກ່າວອີກດ້ວຍ. ແນວໃດກໍຕາມ, ເຫດການກໍຜ່ານໄປດ້ວຍດີ ເຊິ່ງຫລາຍຄົນກໍເຂົ້າໃຈວ່າ ນັກສຶກສາກຸ່ມ
ດັ່ງກ່າວນີ້ ຕ້ອງການຢາກໃຫ້ສັງຄົມເບິ່ງເຫັນຄວາມສຳຄັນຂອງເທດສະການປະເພນີຈີນ ແລະ ສະເຫລີມສະຫລອງເທດ
ສະການຂອງຕ່າງຊາດຢ່າງສົມເຫດສົມຜົນ.
