ຂັ້ນຕອນການແຕ່ງດວງຕາໃຫ້ງາມ ລົມໜາວພ້ອມກັບແຕ່ງງາມໄປທ່ຽວມື້ວັນຢຸດຍາວໃນໄລຍະປີໃໝ່ດ້ວຍໄລຍະນີ້ຍັງຢູ່ໃນໄລຍະໜ້າໜາວ ເຖິງແມ່ນອາກາດຈະບໍ່ໄດ້ໜາວຈັບໃຈ ແຕ່ກໍມີລົມເຢັນໆ ມາສຳຜັດຕົວໃຫ້ເຮົາພໍຮັບຮູ້ໄດ້ ສິ່ງສຳຄັນສຳລັບຜູ້ຍິງແບບເຮົານອກຈາກການບຳລຸງຜິວແລ້ວ ຫລາຍຄົນຍັງຄົງກຳລັງຊອກຫາເທຣນການແຕ່ງໜ້າ ໃນໜ້າໜາວກັນຢູ່ແມ່ນບໍ
ມື້ນີ້ laopost ຈຶ່ງຂໍນຳຂັ້ນຕອນການແຕ່ງດວງຕາໃຫ້ງາມເດັ່ນເປັນປະກາຍ ໃຫ້ເຈົ້າສາວໆ ໄດ້ງາມ ຮັບລົມໜາວພ້ອມກັບແຕ່ງງາມໄປທ່ຽວມື້ຢຸດຍາວໃນໄລຍະປີໃໝ່ດ້ວຍ
– ກ່ອນອື່ນທີ່ເຮົາຈະທາໄປທີ່ເປືອກຕາຄວນຈະເປັນສີອ່ອນຢ່າງສີເບດ ຫລື ສີຂາວຄີມທີ່ບໍ່ມີປະກາຍວິ້ງຫລື ຊິມເມີໃດໆ ເພາະຖ້າເຈົ້າເລືອກທາອາຍແຊໂດວ໌ທີ່ເປັນປະກາຍຫລາຍໄປ ຕາຈະເບິ່ງບວມຄືຄົນຮ້ອງໄຫ້ມາໝົດມື້
– ສີທີ່ສອງໃຊ້ສີບົວອ່ອນໆ ທີ່ບໍ່ມີຊິມເມີລ໌ຄືກັນ ໂດຍເນັ້ນການທາທີ່ຫົວຕາໄປຈົນເຖິງເຄິ່ງກາງຂອງດວງຕາ
– ເມື່ອໄດ້ສີພື້ນຂອງເປືອກຕາໃຫ້ເບິ່ງສະຫວ່າງຂຶ້ນແລ້ວ ໃຊ້ສີເທົາອ່ອນຄັດເບົ້າຕາຄ່ອຍໆ ພໍໃຫ້ເປັນແນວໃນການທາສີຕໍ່ໄປ
– ໃຊ້ສີນ້ຳຕານຄັດເບົ້າຕາໃຫ້ເປັນວີເຊຟ ໂດຍທາໃຫ້ສູງກວ່າສີເທົາທີ່ເຮົາທາເປັນແນວໄວ້ໃນຂັ້ນຕອນກ່ອນໜ້ານີ້
– ເພື່ອດວງຕາຂອງເຈົ້າເບິ່ງມີມິຕິ ໃຊ້ອາຍແຊໂດວ໌ສີບົວປະກາຍຊິມເມີລ໌ທາທີ່ບໍລິເວນເຄິ່ງກາງຂອງດວງຕາ
– ຍັງບໍ່ຈົບທໍ່ນັ້ນ ຖ້າເຈົ້າຢາກມີຫົວຕາທີ່ເບິ່ງແບ໊ວໆ ອ່ອນໄວ ໃຊ້ແປງຫົວນ້ອຍທາອາຍແຊໂດວ໌ ສີຂາວປະກາຍຊິມເມີລ໌ທີ່ຫົວຕາທັງດ້ານເທິງແລະລຸ່ມ
– ຫລັງຈາກນັ້ນປາດອາຍໄລເນີລ໌ສີດຳໃຫ້ໃກ້ໂຄນຂົນຕາຫລາຍທີ່ສຸດ ດັດຂົນຕາ ປັດມາດຄາລ່າ ຖ້າສາວໆ ຄົນໃດທີ່ມັກຕິດຂົນຕາປອມແນະນຳໃຫ້ເລືອກຂົນຕາທີ່ເນັ້ນໃຫ້ດວງຕາກົມໃຫຍ່ແບບທຳມະຊາດຈະ ເຂົ້າກັບລຸກນີ້ຫລາຍກວ່າຂົນຕາແບບອື່ນໆ