ຍິງຊາວໄທ ເຊິ່ງເຮັດວຽກເປັນແມ່ເຮືອນຢູ່ປະເທດມາເລເຊຍ ຖືກສານມາເລ ຕັດສິນລົງໂທດປະຫານຊີວິດ ໃນມື້ວັນຈັນ
(22 ກັນຍາ) ຜ່ານມາ ຫລັງມີຄວາມຜິດຂໍ້ຫາລັກລອບຂົນຢາເສບຕິດເຂົ້າມາເລເຊຍ.
ສຳນັກຂ່າວຕ່າງປະເທດ ລາຍງານໃນວັນທີ 23 ທັນວານີ້ວ່າ ສານສູງແຫ່ງປະເທດມາເຊຍ ໄດ້ຕັດສິນລົງໂທດປະຫານຊີວິດ
ນາງ ດວງຈິດ ຄົນໂທຄອນບຸຣີ ອາຍຸ 33 ປີ ເຊິ່ງເຮັດອາຊີບຮັບຈ້າງເປັນແມ່ເຮືອນໃນມາເລເຊຍ ຫລັງຈາກທີ່ນາງໄດ້ຖືກ
ຈັບກຸມພ້ອມຢາເສບຕິດປະເພດຢາບ້າ ນ້ຳໜັກ 2.81 ກິໂລກຣາມ ທີ່ສະໜາມບິນສາກົນກົວລາລຳເປີ ເມື່ອວັນທີ 6 ມີນາ
ປີ 2013.
ທັງນີ້ ຕາມກົດໝາຍຂອງປະເທດມາເລເຊຍ ຜູ້ໃດກໍຕາມທີ່ມີຢາບ້າໃນຄອບຄອງຢ່າງໜ້ອຍ 50 ກຣາມ ກໍຈະຖືວ່າເປັນ
ການລັກລອບຂົນຢາເສບຕິດ ແລະ ມີໂທດເຖິງປະຫານຊີວິດ.