ນັກວິທະຍາສາດຄົ້ນພົບປາທີ່ອາໄສຢູ່ໃນນ້ຳເລິກທີ່ສຸດໃນໂລກ ທີ່ຄວາມເລິກ 8 ກິໂລແມັດ ຈາກລະດັບໜ້ານ້ຳທະເລ.
ເມື່ອວັນທີ 19 ທັນວາ 2014 ນີ້ ມີລາຍງານຈາກແຫລ່ງຂ່າວຂອງຕ່າງປະເທດວ່າ ນັກວິທະຍາສາດພົບປານ້ຳທະເລເລິກ
ທີ່ອາໄສຢູ່ໃນບໍລິເວນນ້ຳເລິກທີ່ສຸດໃນໂລກ ຄືຮ່ອງເລິກກົ້ນມະຫາສະໝຸດມາເຣຍນາ ເທຣນ ໃນມະຫາສະໝຸດປາຊີຟິກ
ເຊິ່ງເປັນເລື່ອງທີ່ໜ້າອັດສະຈັນໃຈຫລາຍ ທີ່ມັນສາມາດອາໄສຢູ່ໄດ້ ໃນລະດັບເລິກເຖິງ 8 ກິໂລແມັດ.
ສຳລັບຝູງປາດັ່ງກ່າວນີ້ ເຊິ່ງເປັນປາທີ່ຖືກຄົ້ນພົບໃໝ່ ໂດຍທີ່ຍັງບໍ່ທັນໄດ້ມີການຕັ້ງຊື່ໃຫ້ເທື່ອ ເປັນປາໃນຕະກູນ Snail
-fish ອາໄສຢູ່ບໍວິເວນກົ້ນມະຫາສະໝຸດມາເຣຍນາ ເທຣນ ໃນຄວາມເລິກ 8,145 ແມັດ ເຮັດໃຫ້ທຸບສະຖິຕິຂອງປາທະ
ເລນ້ຳເລິກ ເຊິ່ງສະຖິຕິເກົ່າທີ່ໄດ້ບັນທຶກໄວ້ ເລິກທີ່ສຸດແມ່ນພຽງແຕ່ 500 ແມັດເທົ່ານັ້ນ.
ທ່ານ ອະລັນ ເຈມີສັນ ນັກສຳຫລວດຈາກມະຫາວິທະຍາໄລອະເບີດີນ ຂອງສະຫະຣາຊະອານາຈັກ ເຊິ່ງເປັນໜຶ່ງໃນທີມສຳ
ຫລວດລະດັບສາກົນ ໄດ້ເປີດເຜີຍວ່າ ປາທະເລນ້ຳເລິກນີ້ ມີໜ້າຕາທີ່ເຮົາບໍ່ເຄີຍເຫັນມາກ່ອນ ໂດຍລຳໂຕຂອງມັນມີລັກ
ສະນະບອບບາງຫລາຍ ແລະ ມີຄີທີ່ຍາວຄ້າຍຄືກັບປີກ.
ທັງນີ້ ສຳລັບຮ່ອງນ້ຳເລິກກົ້ນມະຫາສະໝຸດມາເຣຍນາ ເທຣນ ມີຈຸດເລິກທີ່ສຸດຢູ່ທີ່ລະດັບ 11 ກິໂລແມັດ ຈາກລະດັບໜ້າ
ນ້ຳທະເລ ໂດຍບໍລິເວນດັ່ງກ່າວນີ້ ມີການຄົ້ນພົບສັດນ້ຳຂະໜາດໃຫຍ່ ແລະ ນ້ອຍຈຳນວນຫລາຍສາຍພັນ ພາຍໃຕ້ຮ່ອງ
ເລິກທີ່ເຢືອກເຢັນ ແລະ ມືດມິດ.