Homeຂ່າວພາຍ​ໃນປັດຈຸບັນ ໄດ້ຈັດຕັ້ງປະຕິບັດໜ້າວຽກໃນ 4 ຕົວເມືອງຂອງໂຄງການທາງດ່ວນວຽງຈັນ-ຮ່າໂນ້ຍ.

ປັດຈຸບັນ ໄດ້ຈັດຕັ້ງປະຕິບັດໜ້າວຽກໃນ 4 ຕົວເມືອງຂອງໂຄງການທາງດ່ວນວຽງຈັນ-ຮ່າໂນ້ຍ.

Published on

ທ່ານ ປອ ພອນປະເສີດ ອິນທະສອນ ປະທານ ບໍລິສັດ ສາມເອສ໌ ພັດທະນາ ຈໍາກັດ ຕ່າງໜ້າກຸ່ມບໍລິສັດ ພັດທະນາກໍ່ສ້າງທາງດ່ວນ ວຽງຈັນ-ຮ່າໂນ້ຍ ຊ່ວງ ຈາກເມືອງປາກຊັນ ແຂວງ ບໍລິຄຳໄຊ ໄປຫາຊາຍແດນລາວ-ຫວຽດນາມ ໄດ້ໃຫ້ສໍາພາດ ສະແດງຄວາມຂອບໃຈ ການນໍາກະຊວງ ຍທຂ ແລະ ແຂວງ ບໍລິຄໍາໄຊ ທີ່ໄດ້ລົງມາຊຸກຍູ້ ຕິດ ຕາມ ແລະໄດ້ໃຫ້ທິິດຊີ້ນໍາຫຼາຍບັນຫາ ເພື່ອຊ່ວຍໃຫ້ການຈັດຕັ້ງປະຕິບັດໂຄງການໄດ້ຕາມແຜນ ໂດຍສະເພາະການແກ້ໄຂບັນຫາຜົນກະທົບດ້ານສິ່ງແວດລ້ອມ ແລະ ການແກ້ໄຂບັນຫາຄ່າຊົດເຊີຍເນື້ອທີ່ຂອງປະຊາຊົນທີ່ໄດ້ຖືກໂຄງການ.

ທ່ານ ກ່າວວ່າ: ປັດຈຸບັນ ໄດ້ຈັດຕັ້ງປະຕິບັດໜ້າວຽກໃນ 4 ຕົວເມືອງທີ່ໂຄງການ ທາງດ່ວນຜ່ານ ເຊິ່ງຄະນະນໍາ ທີ່ລົງມາຄັ້ງນີ້ ໄດ້ຕິດຕາມທັງ 4 ຕົວເມືອງ ເຊິ່ງມີ 8 ຈຸດ ເຊິ່ງວຽກງານເຮົາກໍາລັງດໍາເນີນການມີ: ການທະລຸແລວທາງ, ການຕັດດິນຖົມ, ການແນະນໍາຄວາມຫຍຸ້ງຍາກ ເນື່ອງຈາກ ການເໜັງຕີງຂອງລາຄານໍ້າມັນ. ຜ່ານການປຶກສາຫາລື ເອົາໃຈໃສ່ຂອງຄະນະນໍາກະຊວງ ຍທຂ ແລະ ແຂວງ ບໍລີຄໍາໄຊ ກໍໄດ້ມີທາງອອກຢ່າງເໝາະສົມ ເພື່ອເຮັດໃຫ້ການຈັດຕັ້ງປະຕິບັດໂຄງການ ດໍາເນີນໄປຕາມແຜນການ.

ການລົງຕິດຕາມ ຂອງຄະນະນໍາກະຊວງ ຍທຂ ແລະ ແຂວງ ບໍລິຄໍາໄຊ ໃນຄັ້ງນີ້ ເພື່ອເປັນຂໍ້ມູນ ແລະ ບ່ອນອີງພື້ນຖານ ສໍາຄັນ ທີ່ຈະນໍາເຂົ້າໃນກອງປະຊຸມປຶກສາຫາລື ກ່ຽວກັບການກໍ່ສ້າງ ທາງດ່ວນ ວຽງຈັນ-ຮ່າໂນ້ຍ ທີ່ຈະຈັດຂຶ້ນໃນວັນທີ 16 ພຶດສະ ພາ 2026 ທີ່ຫ້ອງວ່າການແຂວງບໍລິຄໍາໄຊ.

ແຫຼ່ງທີ່ມາ: ວຽງຈັນໃໝ່ 

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...