ພຽງ 7 ວັນຄື: ນັບແຕ່ວັນທີ 15-21 ທັນວານີ້, ຢູ່ນະຄອນຫລວງວຽງຈັນ, ມີອຸປະຕິເຫດຕາມທ້ອງຖະໜົນເກີດຂຶ້ນ 40

ກໍລະນີ, ສົ່ງຜົນໃຫ້ມີຜູ້ເສຍຊີວິດ 5 ຄົນ ເມື່ອທຽບກັບອາທິດກ່ອນ ເຫັນວ່າສະພາບເກີດອຸປະຕິເຫດ​ເພີ່ມ​ຂຶ້ນ, ລວມມີ

ມູນຄ່າເສຍຫາຍຫລາຍກວ່າ 400 ລ້ານກີບ.

ເຈົ້າໜ້າທ​ີ່ຈະລາຈອນ​ໃຫ້​ຮູ້​ວ່າ: ໃນຕອນຄ່ຳຂອງວັນທີ 15 ຜ່ານມາ ຢູ່​ເຂດບ້ານ​ໄຮ່ ເມືອງ ໄຊທານີ ໄດ້ເກີດເຫດລົດຈັກ​

ຕຳ​ກັນ ເຮັດໃຫ້ເສຍຊີວິດ 1 ຄົນ, ຕອນທ່ຽງ​ຄືນ​ຂອງ ວັນທີ 16 ຜ່ານ​ມາ ຢູ່​ເຂດ​ບ້ານ​ທ່າ​ເດື່ອ ເມືອງ​ຫາດ​ຊາຍ​ຟອງ ລົດ

ບັນທຸກ​ແກ່​ຫີນ-ຊາຍຕຳ​ລົດຈັກ​ ​ເຮັດ​ໃຫ້ຄົນ​ຂັບ​ ​ແລະ ຜູ້ຊ້ອນເສຍຊີວິດ, ຕົກມາໃນເວລາ​ເກືອບ​ທ່ຽງ​ຄືນ ຂອງວັນທີ

17 ຢູ່​ເຂດ​ບ້ານນາ​ທົ່ມ ເມືອງ​ໄຊ​ທານີ ໄດ້ມີລົດຈັກຕຳ​ກັບ​ລົດ​ໃຫຍ່ ເຮັດໃຫ້ຜູ້ຂັບຂີ່​ລົດຈັກເສຍຊີວິດ 1 ຄົນ ແລະ ໃນເວ

ລາກາງຄືນຂອງວັນທີ 19  ຢູ່ເຂດບ້ານໜອງປາໃນ ເມືອງໄຊທານີ ເກີດເຫດລົດໃຫຍ່ຕຳລົດຈັກເຮັດໃຫ້ ຜູ້ຂັບຂີ່ລົດຈັກ

ເສຍຊີວິດ 1 ຄົນ.

ເຈົ້າໜ້າທີ່ກົມຈະລາຈອນ ຍັງໃຫ້ຮູ້ຕື່ມອີກວ່າ: ໃນອາທິດຜ່ານມານີ້ ທົ່ວປະເທດມີສະພາບອຸປະຕິເຫດເພີ່ມຂຶ້ນ 134

ກໍລະນີ, ມີຜູ້ເສຍຊີວິດ 15 ຄົນເພີ່ມຂຶ້ນ 3 ຄົນ, ລວມມີມູນຄ່າເສຍຫາຍຫລາຍກວ່າ 1.700 ລ້ານກີບ, ຊຶ່ງອຸປະຕິເຫດ

ສ່ວນໃຫຍ່ແມ່ນເກີດໃນຍາມຄ່ຳຄືນ, ສະນັ້ນ ຈຶ່ງຮຽກຮ້ອງມາຍັງຜູ້ໃຊ້ລົດໃຊ້ຖະໜົນຈົ່ງມີສະຕິ, ລະມັດລະວັງໃນການ

ຂັບຂີ່ບົນທ້ອງຖະໜົນ ແລະ ປະຕິບັດລະບຽບຈະລາຈອນໃຫ້ເຂັ້ມງວດກວ່າເກົ່າ.

ແຫລ່ງຂ່າວ: ລາວພັດທະນາ