Homeຂ່າວພາຍ​ໃນແຈ້ງສາຍດ່ວນ 1510 ຫາກພົບເຫັນການສວຍໂອກາດ ກັກຕຸນນໍ້າມັນ ຫຼື ຂາຍລາຄາເກີນກຳນົດ ໃນຊ່ວງໄລຍະຄວາມບໍ່ສະຫງົບ

ແຈ້ງສາຍດ່ວນ 1510 ຫາກພົບເຫັນການສວຍໂອກາດ ກັກຕຸນນໍ້າມັນ ຫຼື ຂາຍລາຄາເກີນກຳນົດ ໃນຊ່ວງໄລຍະຄວາມບໍ່ສະຫງົບ

Published on

ອີງຕາມແຈ້ງການເລກທີ 0583/ຫກ ລົງວັນທີ 02 ມີນາ 2026 ກະຊວງ ອຸດສາຫະກຳ ແລະ ການຄ້າ ເຖິງ:
– ຫົວໜ້າພະແນກອຸດສາຫະກໍາ ແລະ ການຄ້າແຂວງ/ນະຄອນຫຼວງ.
– ທ່ານປະທານສະມາຄົມນໍ້າມັນເຊື້ອໄຟ ແລະ ອາຍແກັດລາວ.
– ທ່ານຜູ້ອໍານວຍການບໍລິສັດນໍາເຂົ້າ ແລະ ສົ່ງອອກ ນໍ້າມັນເຊື້ອໄຟ.
– ທ່ານຜູ້ອໍານວຍການບໍລິສັດຈໍາຫນ່າຍນໍ້າມັນເຊື້ອໄຟພາຍໃນ.
– ປໍ້ານໍ້າມັນເຊື້ອໄຟ.
ເລື່ອງ: ການສະໜອງນໍ້າມັນເຊື້ອໄຟ ໃນຊ່ວງໄລຍະຄວາມບໍ່ສະຫງົບໃນພາກພື້ນຕາເວັນອອກກາງ.
ສໍາລັບການສະໜອງນໍ້າມັນເຊື້ອໄຟຂອງບັນດາບໍລິສັດນໍ້າມັນເຊື້ອໄຟ ໃຫ້ປະຕິບັດດັ່ງນີ້:
1. ບໍລິສັດ ຕ້ອງລາຍງານແຜນການນໍາເຂົ້າ-ການ ສະໜອງນໍ້າມັນເຊື້ອໄຟປະຈໍາວັນ ສົ່ງໃຫ້ກົມການຄ້າພາຍໃນ ກ່ອນເວລາ 16:00 ໂມງ ຂອງທຸກໆມື້.
2. ບໍລິສັດ ຕ້ອງຮັບປະກັນ ການສະໜອງນໍ້າມັນເຊື້ອໄຟ ໂດຍຕ້ອງໃຫ້ບູລິມະສິດການສະໜອງໃຫ້ຊໍ້າບໍລິສັດລົງທຶນ ແລະ ປໍ້າຕົວແທນກ່ອນ ເພື່ອຮັບໃຊ້ສັງຄົມຢ່າງປົກກະຕິ.
3. ບໍລິສັດ ຕ້ອງບໍ່ໃຫ້ຂາຍນໍ້າມັນເຊື້ອໄຟໃສ່ ກະຕຸກ ຫຼື ຖັງບັນຈຸ ທຸກປະເພດ ໃນຂະຫນາດບໍລິມາດ 5 ລິດຂຶ້ນໄປໂດຍເດັດຂາດ ແລະ ຖ້າກໍລະນີປິດ ຫຼື ຢຸດໃຫ້ບໍລິການຊົ່ວຄາວ ຕ້ອງແຈ້ງເຫດຜົນໃຫ້ຫ້ອງການອຸດສາຫະກໍາ ແລະ ການຄ້າ ໃຫ້ຜູ້ຊົມໃຊ້ຊາບກ່ອນ 03 ວັນ.
4. ການສະໜອງນໍ້າມັນເຊື້ອໄຟ ຕ້ອງສະຫນອງຂໍ້ມູນສັນຍາຊື້-ຂາຍ ເພື່ອຕິດຕາມກວດກາ.
5. ຫ້າມກັກຕູນນໍ້າມັນເຊື້ອໄຟ ເພື່ອເກັງກໍາໄລ ຫຼື ປັ່ນປ່ວນຕະຫຼາດ ຫຼື ປະຕິເສດການສະໜອງນໍ້າມັນເຊື້ອໄຟ ໂດຍບໍ່ມີເຫດຜົນ ຈະຖືກປັບໃໝຕາມມາດຕະການຢ່າງເຂັ້ມງວດ.
6. ຫາກພົບເຫັນການສະໜອງນໍ້າມັນເຊື້ອໄຟໃຫ້ແກ່ ປໍ້ານໍ້າມັນເຊື້ອໄຟທີ່ບໍ່ແມ່ນປໍ້າຕົວແທນ ໂດຍບໍ່ໄດ້ຮັບອະນຸຍາດ, ການກັກຕູນນໍ້າມັນເຊື້ອໄຟ ເພື່ອເກັງກໍາໄລ ຫຼື ປັ່ນປ່ວນຕະຫຼາດ, ປິດປໍ້າຊົ່ວຄາວ ຫຼື ປິດຖາວອນ ໂດຍບໍ່ມີເຫດຜົນ ແມ່ນໃຫ້ປະຕິບັດ ຕາມລະບຽບການຢ່າງເຂັ້ມງວດ.
ກະຊວງອຸດສາຫະກຳ ແລະ ການຄ້າ ຈະສືບຕໍ່ ເຮັດທຸກວິທີທາງ ເພື່ອປົກປ້ອງຜົນປະໂຫຍດຂອງປະຊາຊົນ ແລະ ຮັບປະກັນໃຫ້ເສດຖະກິດ-ສັງຄົມ ດຳເນີນໄປໄດ້ຢ່າງປົກກະຕິ.
ຫາກພົບເຫັນການສວຍໂອກາດກັກຕຸນນໍ້າມັນ ຫຼື ຂາຍລາຄາເກີນກຳນົດ, ທ່ານສາມາດແຈ້ງສາຍດ່ວນ 1510 ໄດ້ຕະຫຼອດເວລາ.
ແຫຼ່ງຂໍ້ມູນ: ຂ່າວສານອຸດສາຫະກຳ ແລະ ການຄ້າ – Ministry of Industry and Commerce

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...