ໃນວັນທີ 9 ມັງກອນ 2026 ທີ່ຜ່ານມາ, ໂຮງໝໍທຳມະສາດ ປະສົບຜົນສຳເລັດໃນການຜ່າຕັດຫົວໃຈດ້ວຍຫຸ່ນຍົນ Da Vinci XI System ເປັນຄັ້ງທຳອິດໃນປະເທດໄທ.
ການຜ່າຕັດໃນຄັ້ງນີ້ນຳພາໂດຍ ທ່ານໝໍບຸນວັດ ຫອມວິເສດ ຮ່ວມກັບຜູ້ຊ່ຽວຊານຈາກຕ່າງປະເທດ Dr. Sathyaki Nambala ເປັນຜູ້ຊ່ຽວຊານທາງດ້ານການຜ່າຕັດຫົວໃຈໂດຍໃຊ້ຫຸ່ນຍົນໂດຍສະເພາະ. ສໍາລັບການຜ່າຕັດແມ່ນສໍາເລັດ 2 ກໍລະນີຄື:
- ສາມາດຜ່າຕັດປ່ຽນລີ້ນຫົວໃຈ ຄົນເຈັບອາຍຸ 86 ປີ ເຊິ່ງໃຊ້ເວລາ 3 ຊົ່ວໂມງ
- ສາມາດຜ່າຕັດປິດຮູຮົ່ວຜະໜັງຫົວໃຈ ໃຫ້ແກ່ຄົນເຈັບທີ່ເປັນໂຣກຫົວໃຈແຕ່ກຳເນີດ ອາຍຸ 64 ປີ ໂດຍໃຊ້ເວລາ 5 ຊົ່ວໂມງ
ຂໍ້ດີຂອງເທັກໂນໂລຊີນີ້ແມ່ນ: ບາດແຜນ້ອຍບໍ່ເກີນ 2 ເຊັນຕີແມັດ, ຫຼຸດຜ່ອນຄວາມເຈັບປວດ, ຄົນເຈັບຟື້ນຕົວໄວກວ່າການຜ່າຕັດແບບເກົ່າ, ການຜ່າຕັດຄວາມລະອ່ອນ ສົ່ງຜົນກະທົບເນື້ອເຍື່ອໜ້ອຍກວ່າແບບເກົ່າ.
ຜົນສຳເລັດຄັ້ງນີ້ຖືວ່າເປັນກ້າວສຳຄັນທີ່ຍົກລະດັບການຜ່າຕັດຫົວໃຈຂອງປະເທດໄທສູ່ມາດຕະຖານສາກົນ.
ແຫຼ່ງຂໍ້ມູນ: TNN