ດ່ານສະໜາມບິນຂອງໄທ ໄດ້ປັບປຸງລະບົບກວດສອບຂໍ້ມູນ ສຳລັບຜູ້ທີ່ມີການປ່ຽນແປງຂໍ້ມູນໃນໜັງສືຜ່ານແດນ ຈະຖືກເຊີນເຂົ້າໃຫ້ຄໍາຊີ້ແຈງ ແລະ ບໍ່ອະນຸຍາດໃຫ້ເຂົ້າ-ອອກປະເທດໄທ.
ຫ້ອງວ່າການນະຄອນໄກສອນພົມວິຫານ ຂໍຖືເປັນກຽດແຈ້ງມາຍັງ 67 ບ້ານ ພາຍໃນ ນະຄອນຊາບວ່າ: ປະຈຸບັນເຈົ້າໜ້າທີ່ດ່ານສະໜາມບິນຂອງໄທ ໄດ້ປັບປຸງລະບົບກວດສອບຂໍ້ມູນ ຂອງໜ່ວຍງານຕໍາ ຫຼວດ ກວດຄົນເຂົ້າ-ອອກເມືອງ ຢ່າງເຂັ້ມງວດ, ເພື່ອສະກັດກັ້ນກຸ່ມຄົນບໍ່ຫວັງດີ ໂດຍສະເພາະແມ່ນບຸກຄົນ ທີ່ມີການປ່ຽນແປງຂໍ້ມູນໃນໜັງສືຜ່ານແດນ ບໍ່ກົງກັບເຫຼັ້ມເກົ່າເຊັ່ນ: ຊື່ ນາມສະກຸນ ແລະ ວັນເດືອນປີເກີດ, ຖ້າເຈົ້າໜ້າ ທີ່ພົບເຫັນກໍລະນີດັ່ງກ່າວ ຈະຖືກເຊີນເຂົ້າໃຫ້ຄໍາຊີ້ແຈງ ແລະ ບໍ່ອະນຸຍາດໃຫ້ເດີນທາງຜ່ານເຂົ້າ-ອອກປະເທດໄທ, ໃນນັ້ນຈຶ່ງເຮັດໃຫ້ພົນລະເມືອງລາວ ທີ່ເດີນທາງໄປຣາຊະອານາຈັກໄທ ຫຼື ຜ່ານຣາຊະອານາຈັກໄທ ໄປປະເທດທີ 03 ໄດ້ຖືກເຈົ້າໜ້າທີ່ຕໍາຫຼວດກວດຄົນເຂົ້າ-ອອກເມືອງ ຢູ່ສະໜາມບິນບາງກອກ ປະເທດໄທ ດໍາເນີນການກວດກາໜັງ ສືຜ່ານແດນ ຜ່ານລະບົບຂໍ້ມູນ ຖ້າພົບເຫັນວ່າໜັງສືຜ່ານແດນເຫຼັ້ມໃໝ່ ມີການປ່ຽນແປງວັນເດືອນປີເກີດ ຫຼື ບໍ່ກົງ ກັບເຫຼັ້ມເກົ່າ ທີ່ເຄີຍນໍາໃຊ້ຜ່ານມາ ເຈົ້າໜ້າທີ່ໄທ ຈະບໍ່ອະນຸຍາດໃຫ້ເດີນທາງເຂົ້າ ຫຼື ຜ່ານປະເທດໄທ ແລະ ແຈ້ງ ບຸກຄົນດັ່ງກ່າວ ເດີນທາງກັບ ສປປ ລາວ.
ສະນັ້ນ, ຫ້ອງວ່າການນະຄອນໄກສອນພົມວິຫານ ສະເຫນີໃຫ້ ນາຍບ້ານ 67 ບ້ານ ໃນຂອບເຂດນະຄອນ ແນະນໍາປະຊາຊົນ ຜູ້ທີ່ມີຈຸດປະສົງຈະເດີນທາງໄປປະເທດໄທ ໃຫ້ເຂົ້າໃຈຕື່ມກ່ຽວກັບການເພີ່ມຄວາມເຂັ້ມງວດ ໃນ ການກວດສອບຂໍ້ມູນຂອງຕໍາຫຼວດກວດຄົນເຂົ້າ-ອອກເມືອງຂອງໄທ; ຖ້າມີກໍລະນີປ່ຽນຊື່ ແລະ ນາມສະກຸນ ຈະຕ້ອງມີໜັງສືຢັ້ງຢືນການປ່ຽນຊື່ ແລະ ນາມສະກຸນ (ສະບັບແປເປັນ ພາສາອັງກິດ ທີ່ຢັ້ງຢືນຜ່ານທະບຽນສານພະແນກ ຍຸຕິທໍາແຂວງ ຫຼື ກົມທະບຽນສານຂອງກະຊວງຍຸຕິທໍາ ແລະ ກົມກົງສູນກະຊວງການຕ່າງປະເທດ) ເພື່ອນໍາໃຊ້ຢັ້ງ ຢືນຄວາມຖືກຕ້ອງ ໃນເວລາເດີນທາງ ໄປຕ່າງປະເທດ ແລະ ປ້ອງກັນບໍ່ໃຫ້ພົບບັນຫາ ກັບເຈົ້າໜ້າທີ່ຂອງປະເທດ ປາຍທາງ; ສໍາລັບກໍລະນີປ່ຽນວັນເດືອນປີເກີດ ຕ້ອງປະຕິບັດຢ່າງເຄັ່ງຄັດ ຕາມແຈ້ງການຂອງກະຊວງພາຍໃນ ສະບັບ ເລກທີ 09/ພນ, ລົງວັນທີ 29 ມັງກອນ 2018; ກ່ຽວກັບການຫ້າມອະນຸມັດ ແລະ ຢັ້ງຢືນການປ່ຽນແປງວັນເດືອນປີເກີດໃຫ້ພົນລະເມືອງ.
