ໃນວັນທີ 23/09/2025, ລາຍງານຈາກສຳນັກຂ່າວໃນປະເທດຈີນ ໃຫ້ຮູ້ວ່າ ກະແສການສັກແຂ້ວ ຫຼື ກາານຕົກແຕ່ງເຄືອບແຂ້ວດ້ວຍລວດລາຍຕ່າງໆທີ່ມີຄວາມງາມ ກຳລັງເປັນກະແສນິຍົມໃນກຸ່ມໄວລຸ້ນຂອງຈີນ ຖືວ່າເປັນການສະແດງຕົວຕົນຜ່ານຮອຍສັກຢູ່ແຂ້ວ ເປັນອີກວິທີທີ່ທັນສະໄໝ ແລະ ແຕກຕ່າງຈາກຮອຍສັກເທິງຜົວໜັງ.
ການແກະສະຫຼັກແຂ້ວ ຫຼື ສັກແຂ້ວ ອາດຈະເປັນຄວາມຄິດທີ່ແຫວກແນວ ສຳລັບຄົນທີ່ໃຫ້ຄວາມສຳຄັນກັບສຸຂະພາບແຂ້ວ ແຕ່ຄວາມຈິງແລ້ວບໍ່ແມ່ນການສັກລົງໃສ່ແຂ້ວໂດຍກົງ ແຕ່ເປັນການສັກລົງໃສ່ແຜ່ນເຄືອບແຂ້ວ ສ້າງຂຶ້ນໂດຍເຄື່ອງພິມແຂ້ວ 3 ມິຕິ ກ່ອນທີ່ຈະນໍາໄປເຄືອບແຂ້ວ.
ໜຶ່ງໃນຈຸດເດັ່ນສຳຄັນຂອງຮອຍສັກນີ້ແມ່ນສາມາດປ່ຽນແປງໄດ້ງ່າຍ ຕ່າງຈາກຮອຍສັກໃນຜົວໜັງທີ່ລົບອອກໄດ້ຍາກ ແຕ່ນີ້ຖ້າຫາກຕ້ອງການປ່ຽນລວດລາຍກໍພຽງໄປເຮັດໃໝ່.ຢ່າງໃດກໍຕາມເຖິງແມ່ນວ່າຮອຍສັກຢູ່ແຂ້ວຈະໄດ້ຮັບສຽງຕອບຮັບທີ່ດີ ແຕ່ກໍບໍ່ແມ່ນທຸກຄົນທີ່ຈະເຮັດໄດ້. ຕາມຫຼັກການແພດ ການທີ່ສັກລາຍໃສ່ແຂ້ວ,ອາດຈະເຮັດໃຫ້ແຂ້ວບໍ່ແຂງແຮງ ແລະ ເພີ່ມໂອກາດເຮັດໃຫ້ແຂ້ວແຕກ ຫຼື ຫັກໄດ້.
ແຫຼ່ງຂໍ້ມູນ: Khaosod