ເຊິ່ງໃນກ່ອນໜ້ານີ້ປະເທດຍີ່ປຸ່ນໄປເປີດໂຕ 6G ທີ່ໄວທີ່ສຸດໃນໂລກເຊິ່ງມີກຳນົດນນຳໃຊ້ໃນຕົ້ນປີ 2030, ແຕ່ຕອນນີ້ປະເທດຈີນໄດ້ເປີດໂຕບໍລິການອິນເຕີເນັດບຣອດແບນຄວາມໄວ 10 Gbps ຕໍ່ວິນາທີ (10G) ເປັນຄັ້ງທຳອິດຂອງໂລກ.
ໂຄງການນີ້ເປັນການຮ່ວມມືລະຫວ່າງບໍລິສັດ China Unicom ແລະ ບໍລິສັດ Huawei ເຊິ່ງໄດ້ນຳໃຊ້ເທັກໂນໂລຊີ 50G PON ເພື່ອໃຫ້ບໍລິການອິນເຕີເນັດຄວາມໄວສູງສຸດ.
-ມີຄວາມໄວດາວໂຫຼດ ແລະ ອັບໂຫຼດຂໍ້ມູນຕ່າງໆ.
-ເຄືອຂ່າຍນີ້ສາມາດເຮັດຄວາມໄວໃນການດາວໂຫຼດໄດ້ສູງສຸດເຖິງ 9.8 Gbps ແລະ ຄວາມໄວໃນການອັບໂຫຼດປະມານ 1 Gbps.
-ມີຄ່າ Latency ທີ່ຕ່ຳຫຼາຍ ພຽງແຕ່ 3 ມິນລິວິນາທີ (ms), ເຊິ່ງເຮັດໃຫ້ການຕອບສະໜອງໄວຂຶ້ນຫຼາຍ.
-ການດາວໂຫຼດໄຟລ໌ຮູບເງົາຂະໜາດ 20GB ຈະໃຊ້ເວລາພຽງບໍ່ຮອດ 20 ວິນາທີ.
-ຮອງຮັບການເບິ່ງວິດີໂອຄວາມລະອຽດສູງ 8K ໄດ້ຢ່າງລຽບງ່າຍ, ພ້ອມທັງຍົກລະດັບປະສົບການການຫຼິ້ນເກມຜ່ານຄລາວ ແລະ ເທັກໂນໂລຊີຄວາມເປັນຈິງ (VR/AR).
ເຄືອຂ່າຍຄວາມໄວສູງນີ້ຈະເປັນເຄື່ອງມືສຳຄັນໃນການພັດທະນາການແພດທາງໄກ, ການສ້າງເມືອງອັດສະລິຍະ ແລະ ການສຶກສາອອນລາຍໃຫ້ມີປະສິດທິພາບສູງຂຶ້ນ. ໃນໄລຍະເລີ່ມຕົ້ນ, ໂຄງການນີ້ຍັງເປັນພຽງໂຄງການທົດລອງໃນບາງພື້ນທີ່ຂອງເມືອງປັກກິ່ງ, ຊຽງໄຮ້ ແລະ ກວາງຕຸ້ງເທົ່ານັ້ນ. ເຖິງຢ່າງໃດກໍຕາມ, ນີ້ຖືເປັນບາດກ້າວທີ່ສຳຄັນໃນການພັດທະນາເທັກໂນໂລຊີອິນເຕີເນັດ ແລະ ຄາດວ່າຈະມີການຂະຫຍາຍການບໍລິການເປັນວົງກວ້າງໃນອະນາຄົດ.
ແຫຼ່ງຂໍ້ມູນ:Huawei Newsroom