ອາຄານຜູ້ໂດຍສານແຫ່ງໃໝ່ຂອງສະໜາມບິນສາກົນໂນຍບ່າຍ ນະຄອນຫລວງຮ່າໂນ້ຍ ມູນຄ່າ 645.3 ລ້ານໂດລາ
ຈະເປີດໃຊ້ງານໃນວັນທີ 25 ທັນວານີ້ ຫລັງກໍ່ສ້າງມາດົນກ່ວາ 3 ປີ.
ສຳນັກຂ່າວຕ່າງປະເທດລາຍງານວ່າ ອາຄານຜູ້ໂດຍສານຫລັງທີ 2 ທີ່ມີຄວາມສູງ 4 ຊັ້ນ ນັບເປັນອາຄານຜູ້ໂດຍສານທີ່ໃຫຍ່
ທີ່ສຸດໃນຫວຽດນາມ ໂດຍເລີ່ມຕົ້ນສ້າງມາຕັ້ງແຕ່ເດືອນທັນວາ ປີ 2011 ດ້ວຍມູນຄ່າການລົງທຶນ 645.35 ລ້ານໂດລາ ເຊິ່ງ
ເປັນທຶນຊ່ວຍເຫລືອເພື່ອການພັດທະນາຢ່າງເປັນທາງການຂອງປະເທດຍີ່ປຸ່ນ ຈຳນວນ 504.27 ລ້ານໂດລາ ແລະ ສ່ວນທີ່
ເຫລືອ ແມ່ນເປັນທຶນສົບທົບຂອງລັດຖະບານຫວຽດນາມ.
ອາຄານຜູ້ໂດຍສານດັ່ງກ່າວນີ້ ມີຄວາມຍາວ 996 ແມັດ ແລະ ມີພື້ນທີ່ໃຊ້ສອຍລວມຫລາຍກ່ວາ 139,000 ຕາແມັດ ເຊິ່ງສາ
ມາດຮອງຮັບຜູ້ໂດຍສານໄດ້ 10-15 ລ້ານຄົນຕໍ່ປີ ໂດຍໃນວັນທີ 25 ທັນວານີ້ ສາຍການບິນຫວຽດນາມ ເຊິງເປັນສາຍການບິນ
ແຫ່ງຊາດ ຈະເປັນບໍລິສັດທຳອິດທີ່ຈະເຂົ້າເຮັດວຽກໃນອາຄານດັ່ງກ່າວ.