ການສົ່ງອອກກາເຟຂອງຫວຽດນາມ ຄາດວ່າຈະສ້າງລາຍຮັບເຖິງ 3,6 ຕື້ໂດລາ ໃນປີ 2014 ນີ້ ເພີ່ມຂຶ້ນ 32% ເມື່ອທຽບ

ກັບປີກາຍເຮັດໃຫ້ຫວຽດນາມກາຍເປັນຜູ້ສົ່ງອອກກາເຟ ລາຍໃຫຍ່ອັນດັບ 2 ຂອງໂລກ.

ແຫລ່ງຂ່າວຂອງຕ່າງປະເທດລາຍງານ ເມື່ອບໍ່ດົນມານີ້ວ່າ ຕະຫລອດປີນີ້ ຫວຽດນາມສົ່ງອອກກາເຟໄປແລ້ວຫລາຍກ່ວາ

1.7 ລ້ານ ໂຕນ ເຊິ່ງມີປະລິມານເພີ່ມຂຶ້ນ 33% ເມື່ອປຽບທຽບກັບປີ 2013 ຜ່ານມາ ໃນລາຄາສະເລ່ຍ 2,086 ໂດລາຕໍ່ໂຕນ

ເຊິ່ງລາຄາຫລຸດລົງ 2.46% ເມື່ອປຽບທຽບກັບປີທີ່ຜ່ານມາ.

ແຫລ່ງຂ່າວໄດ້ລະບຸວ່າ ສະຫະລັດອາເມຣິກາເປັນຜູ້ນຳເຂົ້າກາເຟລາຍໃຫຍ່ຂອງຫວຽດນາມ ໃນອັດຕາສ່ວນ 11.7% ຂອງ

ຈຳນວນທີ່ຫວຽດນາມສົ່ງອອກກາເຟທັງໝົດ ໂດຍສະມາຄົມກາເຟ ແລະ ໂກໂກ້ຫວຽດນາມໄດ້ລະບຸວ່າ ປະເທດຫວຽດ

ນາມສົ່ງອອກກາເຟດິບເປັນສ່ວນໃຫຍ່ ເຊິ່ງກາຍເປັນປະເທດສົ່ງອອກກາເຟອັນດັບທີ 2 ຂອງໂລກ ຮອງຈາກປະເທດ

ບຣາຊິນເທົ່ານັ້ນ.