spot_img
Homeຂ່າວຕ່າງປະເທດສະຫະລັດ ຈະເພີ່ມຈຳນວນທະຫານ ຢູ່ອາຟການິສະຖານ ຫຼັງປີ 2015

ສະຫະລັດ ຈະເພີ່ມຈຳນວນທະຫານ ຢູ່ອາຟການິສະຖານ ຫຼັງປີ 2015

Published on

USA-army

ຕາມ​ຂ່າວ​ຈາກ​ໜັງສືພິມເອ​ເລັກ​ໂຕຼ​ນິກ ຂອງ​ກອງທັບ​ປະຊາຊົນ​ຫວຽດນາມ ລາຍ​ງານ​ວັນ​ທີ 26/11/2014 ວ່າ: ສະຫະລັດ​ອາດ​ຈະ​ເພີ່ມ​ກຳລັງ​ທະຫານ​ປະຈຳການ​ຢູ່ ອາ​ຟະ​ກາ​ນິ​ສະຖານ ຕື່ມ​ອີກ 1.000 ຄົນ ຫຼັງຈາກ​ຖອນ​ທະຫານ​ອອກ​ຈາກ​ປະເທດ​ນີ້ ​ໃນ​ທ້າຍ​ປີ 2014.

ໂດຍ​ໄດ້​ບົດຮຽນ​ຈາກ​ສົງຄາມຢູ່​ອີ​ຣັກ ຄື​ພາຍຫຼັງ​ທີ່​ສະຫະລັດ​ຖອນ​ທະຫານ​ອອກ​ໄປ​ແລ້ວ ສະຖານະ​ການຢູ່​ອີ​ຣັກ ກໍ່​ຍັງ​ຮ້າຍ​ແຮງ​ຢູ່​ຄືເກົ່າ ຜົນ​ປະໂຫຍດ​ຂອງ​ສະຫະລັດ​ຖືກ​ທຳລາຍ ດັ່ງນັ້ນ ສະຫະລັດ​ຈຶ່ງ​ຕ້ອງ​ເພີ່ມກຳລັງ​ທະຫານ​ທີ່​ຈະ​ປະຈຳການ​ຢູ່ອາ​ຟະ​ກາ​ນິ​ສະຖານ ພາຍຫຼັງ​ທີ່​ຖອນ​ກຳລັງ​ອອກ​ໄປ​ໃນ​ທ້າຍ​ປີ​ນີ້ ຕາມ​ສັນຍາ​ທີ່​ໄດ້​ປະກາດ​ໄວ້ ໂດຍ​ຈະ​ເພີ່ມ​ຈາກ​ເດີມ 9.800 ຄົນ ເປັນ 12.000 ຄົນ ເຊິ່ງ​ສະຫະລັດ​ອ້າງ​ວ່າ ຈຳນວນ​ທະຫານ​ທີ່​ເພີ່ມ​ນີ້ ​ຈະ​ເຮັດ​ໜ້າທີ່​ແທນ​ທະຫານ​ຂອງ​ບັນດາ​ປະເທດ​ພັນທະ​ມິດ ​ທີ່​ຍັງ​ບໍ່​ທັນ​ໄດ້​ເຂົ້າ​ມາ​ປະຈຳການ​ຢູ່ອາ​ຟະ​ກາ​ນິ​ສະຖານ ຕາມ​ທີ່​ໄດ້​ຕົກລົງ​ກັນ ທະຫານ​ເຫຼົ່າ​ນີ້ ຈຸດ​ໜັກ​ແມ່ນ​ຈະ​ເຮັດ​ໜ້າທີ່​ເປັນ​ທີ່​ປຶກສາ​ເຝິກແອບ ​ໃຫ້​ແກ່​ກອງ​ກຳລັງ​ຂອງ​ລັດຖະບານອາ​ຟະ​ກາ​ນິ​ສະຖານ ໂດຍ​ໂຄງການ​ນີ້​ມີ​ຊື່ວ່າ “ສະໜັບ​ສະ​ໜູນ” ເຊິ່ງ​ຈະ​ເລີ່ມ​ຕົ້ນ​ແຕ່​ວັນ​ທີ 1/12/2015 ເປັນຕົ້ນ​ໄປ.

 

ແຜນການ​ເພີ່ມ​ຈຳນວນ​ທະຫານ​ອາເມລິກາ ຢູ່​ອາ​ຟະ​ກາ​ນິ​ສະຖານ​ມີ​ຂຶ້ນ ພາຍຫຼັງ​ທີ່​ປະທານາທິບໍດີ ບາ​ຣັກ ໂອ​ບາ​ມາ ຕັດສິນ​ໃຈ​ຂະຫຍາຍ​ບົດບາດ ແລະ ໜ້າທີ່​ຂອງ​ກອງ​ກຳລັງ​ທະຫານ​ອາເມລິກາ ຢູ່​ອາ​ຟະ​ກາ​ນິ​ສະຖານ ຫຼັງ​ຈາກ​ສິ້ນ​ສຸດ ປີ 2014 ເຊິ່ງ​ຕາມ​ນັ້ນແລ້ວ ຈະ​ສືບຕໍ່​ພາລະກິດ​ກວາດ​ລ້າງ​ກຸ່ມ​ຕາ​ລີ​ບັນ​ ໃນອາ​ຟະ​ກາ​ນິ​ສະຖານ.

ຂອບໃຈຂໍ້ມູນດີໆຈາກ: ໜັງສືພີມວຽງຈັນໃໝ່

ບົດຄວາມຫຼ້າສຸດ

ໂດໂນ ທຣໍາ ເຊັນຄໍາສັ່ງສົ່ງຜູ້ອົບພະຍົບເຂົ້າອາເມຣິກາແບບຜິດກົດໝາຍ ໃຫ້ກັບຄືນສູ່ປະເທດ

ໂດໂນ ທຣໍາ ເຊັນຄໍາສັ່ງສົ່ງຜູ້ເຂົ້າປະເທດແບບຜິດກົດໝາຍ ໃນນີ້ມີຄົນສັນຊາດລາວ 4,850 ຄົນ.ຈາກການອອກມາເປີດເຜີຍ ແລະ ບົດລາຍງານເດືອນພະຈິກ ຂອງສຳນັກງານກວດຄົນເຂົ້າເມືອງ ຂອງສະຫະລັດ (ICE) ໄດ້ລະບຸວ່າ: ຄົນລາວຫຼາຍກວ່າ 4,000...

ຈັບໄດ້ໄລ່ທັນ ຊົມເຊີຍເຈົ້າໜ້າທີ່ຈັບໂຈນກໍ່ເຫດລັກສາຍໄຟ ພາຍໃນ 1 ຊົ່ວໂມງ

ຈາກກໍລະນີຊາຍກໍ່ເຫດ ລັກສາຍໄຟ ທີ່ບ້ານຫັດສະດີ ເມືອງຈັນທະບູລີ ນະຄອນຫຼວງວຽງຈັນ ໃນຕອນເຊົ້າເວລາປະມານ 9:00 ນາທີ ຂອງວັນທີ 30 ມັງກອນ 2025, ພາຍໃນ 1...

ມອບ-ຮັບໜ້າທີ່ ຫົວໜ້າກົມໃຫຍ່ເສນາທິການກອງທັບ ລະຫວ່າງ ຜູ້ເກົ່າ ແລະ ຜູ້ໃໝ່

ພິທີ ມອບ-ຮັບໜ້າທີ່ ຫົວໜ້າກົມໃຫຍ່ເສນາທິການກອງທັບ ລະຫວ່າງ ຜູ້ເກົ່າ ແລະ ຜູ້ໃໝ່ ໄດ້ຈັດຂຶ້ນໃນວັນທີ 30 ມັງກອນ 2025 ນີ້, ໂດຍການເປັນປະທານ ຂອງສະຫາຍ...

ພົບກ່ອງດຳເຮືອບິນໂດຍສານສະຫະລັດ ທີ່ປະສົບອຸບັດຕິເຫດຕຳກັນກາງອາກາດກັບ ເຮລິຄອບເຕີ

ພົບກ່ອງດຳເຮືອບິນໂດຍສານສະຫະລັດ ທີ່ປະສົບອຸບັດຕິເຫດຕຳກັນກາງອາກາດກັບ ເຮລິຄອບເຕີ ກ່ອນຈະຕົກລົງໃນແມ່ນ້ຳ ທີ່ນະຄອນຫຼວງວໍຊິງຕັນ ເຈົ້າໜ້າທີ່ຜູ້ຊ່ຽວຊານນຳໄປກວດສອບແລ້ວ ເພື່ອຫາເບາະແສກ່ຽວກັບຂໍ້ຜິດພາດທີ່ອາດຈະເກີດຂຶ້ນ ຄາດວ່າຜູ້ໂດຍສານທີ່ຢູ່ເທິງເຮືອບິນ ແລະ ເຮລິຄອບເຕີ ລວມ 67 ຄົນ ໜ້າຈະເສຍຊີວິດທັງໝົດ. ສຳນັກຂ່າວຕ່າງປະເທດລາຍງານ...