spot_img
Homeຂ່າວເຫດການຕາດູຕົນ ເຫດໄຟໄໝ້ເຮືອນປະຊາຊົນ ບ້ານປຸ່ງສ້ຽວ ເມືອງສິງ ແຂວງຫຼວງນ້ຳທາ ເສຍຫາຍ 480 ລ້ານກີບ

ຕາດູຕົນ ເຫດໄຟໄໝ້ເຮືອນປະຊາຊົນ ບ້ານປຸ່ງສ້ຽວ ເມືອງສິງ ແຂວງຫຼວງນ້ຳທາ ເສຍຫາຍ 480 ລ້ານກີບ

Published on

ເຫດໄຟໄໝ້ເຮືອນປະຊາຊົນ ເສຍຫາຍ 480 ລ້ານ.

ຕາມການໃຫ້ຂໍ້ມູນຂອງກອງຕຳຫຼວດຈະລາຈອນ-ມອດໄຟ ປກສ ເມືອງສິງ ແຂວງຫຼວງນ້ຳທາໃຫ້ຮູ້ວ່າ:ໃນຕອນເຊົ້າເວລາ 10 ໂມງ ວັນທີ 12 ພຶດສະພາ 2025 ໄດ້ຮັບແຈ້ງຈາກ ປກສ ກຸ່ມບ້ານ ເກີດເຫດໄຟໄໝ້ເຮືອນປະຊາຊົນຢູ່ ບ້ານປຸ່ງສ້ຽວ ເມືອງສິງ ແຂວງຫຼວງນ້ຳທາ. ດັ່ງນັ້ນ, ທາງກອງຕຳຫຼວດຈະລາຈອນ-ມອດໄຟ ຈຶ່ງໄດ້ຈັດກຳລັງວິຊາສະເພາະ 8 ສະຫາຍ ລົງສົມທົບກັບ ປກສ ກຸ່ມບ້ານ ແລະ ປະຊາຊົນ ຊ່ວຍກັນສະກັດກັ້ນ ແລະ ດັບໄຟເຊິ່ງໃຊ້ເວລາປະມານ 10 ນາທີ ຈຶ່ງສາມາດຄວບຄຸມໄຟໄດ້ບໍ່ໃຫ້ລາມໄໝ້ໃສ່ເຮືອນຫຼັງອື່ນ.

ຜ່ານການເອົາຂໍ້ມູນຂອງເຈົ້າໜ້າທີ່ຕຳຫຼວດໃນເບື້ອງຕົ້ນຮູ້ວ່າ ເຮືອນດັ່ງກ່າວທີ່ຖືກໄຟໄໝ້ແມ່ນຂອງ ທ້າວ ໂລຊະ ອາຍຸ 56 ປີ ເປັນເຮືອນໄມ້ຍົກສູງ 1 ຫຼັງ, ອ້ອມດ້ວຍໄມ້ແປ້ນ, ມຸງດ້ວຍສັງກະສີ ກວ້າງປະມານ 10×13 ແມັດ (ຖືກໄຟໄໝ້ໝົດ), ຜົນເສຍຫາຍມີພາຫະນະລົດໃຫຍ່, ລົດຈັກ, ອຸປະກອນຮັບໃຊ້ພາຍໃນເຮືອນ, ວັດຖຸມີຄ່າ, ເງິນສົດ, ເຄື່ອງອຸປະໂພກ-ບໍລິໂພກລວມມູນຄ່າເສຍຫາຍປະມານ 480 ລ້ານກີບ. ຕາມການກວດກາສັນນະສູດ ແລະ ເກັບກຳຂໍ້ມູນສະຖານທີ່ເກີດເຫດໄຟໄໝ້ ສັນນິຖານສາເຫດແມ່ນເກີດຈາກການຊົມໃຊ້ໄຟຟ້າ ( ປັກສຽບບໍ່ແໜ້ນແລ້ວເຮັດໃຫ້ໄຟຟ້າລັດວົງຈອນ).

ດັ່ງນັ້ນ, ເພື່ອເປັນຄະຕິເຕືອນໃຈໃຫ້ແກ່ພໍ່ແມ່ປະຊາຊົນການຊົມໃຊ້ຟືນ-ໄຟ ຄົວກິນ ຫຼື ນຳໃຊ້ໄຟຟ້າພາຍໃນຄົວເຮືອນກໍໃຫ້ໝັ່ນກວດກາເປັນປະຈຳ ເປັນຕົ້ນສາຍໄຟຖ້າເຫັນມັນເກົ່າຫຼືລຸ້ຍຮ້ຽນແມ່ນໃຫ້ແຈ້ງຫຼືໂທຫາທາງຫ້ອງການໄຟຟ້າ ປັບປ່ຽນສາຍໄຟໃໝ່ ເພື່ອປ້ອງກັນບໍ່ໃຫ້ເກີດອັກຄີໄພຄືດັ່ງເຫດການດັ່ງກ່າວ.

ແຫຼ່ງຂ່າວ: ກອງຕໍາຫລວດຈະລາຈອນ-ມອດໄຟ ປກສ ເມືອງສິງ

ບົດຄວາມຫຼ້າສຸດ

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...

ຖືກກັກໂຕແລ້ວ ຈາກກໍລະນີແພດທຳຮ້າຍຮ່າງກາຍຄົນເຈັບ ຢູ່ຫວຽດນາມ ພົບເຄື່ອງມືບໍ່ໄດ້ມາດຕະຖານ ແລະ ບໍ່ມີໃບອະນຸຍາດ

ໃນວັນທີ 11 ກັນຍາ 2025 ທີ່ຜ່ານມາ, ເຈົ້າໜ້າທີ່ຕຳຫຼວດນະຄອນໂຮຈິມິນ ປະເທດຫວຽດນາມ ໄດ້ຈັບກຸມ ນາງ ຫວຽນ ຖິ ຕ່ວນ ຈິງ (Nguyen...

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...