ລັດຖະບານໄທອະນຸຍາດແຮງງານ 3 ສັນຊາດກັບບ້ານໃນຊ່ວງບຸນປີໃໝ່ ຍົກເວັ້ນຄ່າທຳນຽມ ເລີ່ມ 1 ເມສາ-15 ພຶດສະພາ 2025.

ສຳນັກຂ່າວຕ່າງປະພເທດລາຍງານໃນວັນທີ 12 ມີນາ 2025 ນີ້ ທ່ານ ຄາລົມ ພົນພອນກາງ ຮອງໂຄສົກປະຈຳສຳນັກງານນາຍົກລັດຖະມົນຕີ ແຫ່ງປະເທດໄທ ເຜີດເຜີຍວ່າ: ລັດຖະບານສະໜັບສະໜູນຄວາມສຳພັນດ້ານແຮງງານລະຫສວ່າງ ໄທ ກັບປະເທດ ເພື່ອບ້ານ ລວມເຖິງຊ່ວຍຫຼຸດພາລະຄ່າໃຊ້ຈ່າຍໃຫ້ແຮງງານຂ້າມຊາດທີ່ຕ້ອງການເດີນທາງກັບບ້ານໄປຢ້ຽມຢາມຄອບຄົວ ແລະ ຮ່ວມງານປະເພນີບຸນປີໃໝ່ໃນປີນີ້ ໂດຍໄດ້ຜ່ອນຜັນໃຫ້ແຮງງານ 3 ສັນຊາດ: ກຳປູເຈຍ, ລາວ ແລະ ມຽນມາ ທີ່ມີໃບອານຸຍາດເຮັດວຽກຖືກຕ້ອງ  ສາມາດເດີນທາງອອກ ແລະ ກັບເຂົ້າໄທໄດ້ໂດຍບໍ່ຕ້ອງຍື່ນຂໍ Re-Entry Permit ສາມາດເດີນທາງກັບປະເທດເພືຶ່້ອຮ່ວງານປະເພນີບຸນປີໃໝ່ ແລະ ບໍ່ຕ້ອງເສຍຄ່ທຳນຽມຂໍອະນຸຍາດ ຂໍອະນຸດຍາດກັບເຂົ້າມາໃນຣຊິອານາຈັກ (Re-Entry Permit)

ສຳລັບຊ່ວງເວລາຜ່ອນຜັນ ກຳນົດແຕ່ວັນທີ 1 ເມສາ -5 ພຶດສະພາ 2025 ຫາກເດີນທາງກັບໄທຫຼັງວັນທີ 15 ພຶດສະພາ 2025 ຈະບໍ່ໄດ້ຮັບສິດຜ່ອນຜັນ ແລະ ຕ້ອງດຳເນີນການຂໍອານຸຍາດໝົດໃໝ່ຕາມປົກກະຕິ.

ທ່ານ ຄາລົມ ຍັງລະບຸວ່າ: ແຮງງານງານຂ້າມຊາດເປັນກຳລັງສຳຄັນຂອງເສດຖະກິດໄທ ການຜ່ອນຜັນນີ້ຖືເປັນການໃຫ້ສິດ ແລະ ສະວັດດິການທີ່ເໝາະສົມ ເພື່ອໃຫ້ແຮງງານກັບມາເຮັດວຽກຢູ່ທີ່ປະເທດໄທ ດ້ວຍຂວັນກຳລັງໃຈທີ່ດີຂຶ້ນ ແລະ ກັບມາເຮັດວຽກໄດ້ຕາມປົກກະຕິ.

ສຳລັບການຂໍອະນຸຍາດເພື່ອກັບເຂົ້າຣາຊະອານາຈັກໄທ (Re-entry Permit) ມີ 2 ປະເພດຄື:1. SingleRe-entry ຄືການຂໍອະນຸຍາດທຸກຄັ້ງກ່ອນເດີນທາງອອກນອກປະເທດ ເໝາະກັບຜູ້ທີ່ບໍ່ຄ່ອຍເດີນທາງອອກນອກປະເທດ ຫຼື ມີໄລຍະເວລາອະນຸຍາດໃຫ້ຢູ່ໃນຣາຊະອານາຈັກ ເປັນການຊົ່ວຄາວໄລຍະສັ້ນ ມີຄ່າທຳນຽມ 1,000 ບາດ ຫຼື ປະມານ 640,000 ກີບ ຕໍ່ຄັ້ງ ໃຊ້ໄດ້ຄັ້ງດຽວ ສຳລັບການເດີນທາງກັບເຂົ້າມາ.

ສ່ວນ Multiple Re-entry ຄືການຂໍອະນຸຍາດຄັ້ງດຽວ ແຕ່ສາມາດເດີນທາງອອກນອກປະເທດໄດ້ຫຼາຍຄັ້ງ ໃນຊ່ວງໄລຍະເວລາເທົ່າກັບໄລຍະເວລາອະນະຍາດໃຫ້ຢູ່ໃນຣາຊະອານາຈັກ ເປັນການຊົ່ວຄາວທີ່ມີຢູ່ ເໝາະກັບຜູ້ທີ່ຕ້ອງເດີນທາງອອກນອກປະເທດຕະຫຼອດ ຫຼື ມີໄລຍະເວລາອະນຸຍາດໃຫ້ຢູ່ໃນຣາຊະອານາຈັກ ເປັນການຊົ່ວຄາວໄລຍະຍາວ ຫຼື ໄດ້ຮັບອະນຸຍາດໃຫ້ຢູ່ໃນປະເທດໄທແບບ 1 ປີ ຄ່າທຳນຽມ 3,800 ບາດ ຫຼື ປະມານເກືອບ 2,500,000 ກີບຕໍ່ຄັ້ງ.