ເກີດເຫດເຮືອສິນຄ້າຕຳກັບເຮືອບັນທຸກນ້ຳມັນ ໃນທະເລນອກຊາຍຝັ່ງອັງກິດ ເຮັດໃຫ້ໄຟລຸກ ເບື້ອງຕົ້ນສາມາດຊ່ວຍລູກເຮືອໄວ້ໄດ້ 37 ຄົນ ແຕ່ມີນ້ຳມັນເຊື້ອໄຟໄຫຼລົງທະເລ.
ສຳນັກຂ່າວຕ່າງປະເທດລາຍງານໃນວັນທີ 11 ມີນາ 2025 ນີ້ເກີດເຫດເຮືອຂົນສົ່ງສິນຄ້າຕຳກັບເຮືອບັນທຸກນ້ຳມັນ ຢູ່ທີ່ນອກຊາຍຝັ່ງທາງຕາເວັນອອກສຽງເໜືອ ຂອງປະເທດອັງກິດ ເມື່ອວນັທີ 10 ມີນາ 2025 ຜ່ານມາ, ເຮັດໃຫ້ເກີດໄຟລຸກໄໝ້ຮຸນແຮງພາຍໃນເຮືອທັງສອງລຳ ເຈົ້າໜ້າທີ່ເຝົ້າຊາຍຝັ່ງຂອງປະເທດອັງກິດເລັ່ງເຂົ້າໃຫ້ການຊ່ວຍເຫຼືອ ເຊິ່ງລາຍງານຫຼ້າສຸດສາມາດຊ່ວຍລູກເຮືອກັບເຂົ້າຝັ່ງໄດ້ແລ້ວ 37 ຄົນ.
ທາງດ້ານບໍລິສັດຂົນສົ່ງຂອງສະຫະລັດ ທີ່ເປັນເຈົ້າຂອງຮ່ວມຂອງເຮືອບັນທຸກນ້ຳມັນຊື່ວ່າ: (MV Stena Immaculate) ອອກມາເປີດເຜີຍວ່າ: ເຮືອລຳດັ່ງກ່າວກຳລັງຂົນສົ່ງນ້ຳມັນເຊື້ອໄຟສຳລັບເຮືອບິນໄອພົ້ນ ກ່ອນຈະຖືກເຮືອສິນຄ້າຊື່ ໂຊລອງ (Solong) ຕຳໃນເວລາ 10 ໂມງ ຕາມເວລາທ້ອງຖິ່ນ.
ຕາມການລາຍງານຍັງໄດ້ເປີດເຜີຍອີກວ່າ: ການຕຳກັນຂອງເຮືອ ເຮັດໃຫ້ເກີດລະເບີດຫຼາຍຄັ້ງ ແຕ່ລູກເຮືອທັງໝົດ 20 ຄົນກໍໄດ້ຮັບການຊ່ວຍເຫຼືອ ແລະ ປອດໄພແລ້ວ ແຕ່ນ້ຳມັນເຊື້ອໄຟເຮືອບິນໄອພົ້ນຂອງລັດຖະບານ ກຳລັງຮົ່ວໄຫຼລົງທະເລ.
ແຫຼ່ງຂ່າວ: thai pbs