ຊາຍໜຸ່ມຫຶງໂຫດ! ບຸກແທງຄໍແຟນສາວເສຍຊີວິດ ຄາຫ້ອງເຊົ່າ ຍ້ອນຫຶງທີ່ແຟນສົ່ງຍິ້ມໃຫ້ຊາຍອື່ນ
ສຳນັກຂ່າວໄທລັດລາຍງານໃນວັນທີ 6 ມີນາ 2025 ຜ່ານມາ ເຈົ້າໜ້າທີ່ຕຳລວດໄດ້ຮັບແຈ້ງເຫດວ່າມີຄົນຖືກແທງເສຍຊີວິດ ຢູ່ຫ້ອງເຊົ່າແຫ່ງໜຶ່ງ ທີ່ຈັງຫວັດຣາຊະບູລີ ປະເທດໄທ.
ຕາມການລາຍງານ: ຜູ້ກໍ່ເຫດຊື່ທ້າວ ຊາຍ ອາຍຸ 30 ປີ ສັນຊາດມຽນມາ ສ່ວນຜູ້ເສຍຊີວິດ ຊື່ນາງສາວ ເມ ອາຍຸ 28 ປີ ເຊິ່ງທັງ 2 ໄດ້ພົບແລະເປັນຄູ່ຮັກກັນຈົນຍ້າຍມາຢູ່ຫ້ອງເຊົ່າໄດ້ປະມານ 6 ເດືອນ ທີ່ຜ່ານມາມັກຜິດຖຽງກັນ ແລະ ມີການທຳຮ້າຍຮ່າງກາຍກັນເປັນປະຈຳ.
ກ່ອນເກີດເຫດທັງ 2 ໄດ້ຜິດຖຽງກັນອີກຄັ້ງ ເຫດເກີດເພາະ ທ້າວ ຊາຍ ຫຶງຫວງແຟນ ທີ່ສົ່ງຍິ້ມໃຫ້ໝູ່ຜູ້ຊາຍຢູ່ທີ່ໂຮງງານ ຈົນເປັນເຫດເຮັດໃຫ້ທ້າວ ຊາຍ ໃຊ້ເຊືອກຫັດຄໍແຟນຈົນເປັນຮອຍ ກ່ອນທີ່ ນາງສາວເມຈະໜີໄປຂໍນອນຄັ້າງຄືທີ່ຫ້ອງເຊົ່າຂອງໝູ່ ແຕ່ທ້າວຊາຍໄດ້ໂທນຳ ໃຫ້ກັບເມືອຫ້ອງເພື່ອເຄຍໃຈກັນ ແຕ່ ນາງສາວເມ ກໍປະຕິເສດ ແລ້ວບອກກັບໄປວ່າຖ້າຢາກເຄຍກໍມາເຄຍຢູ່ນີ້ (ຫ້ອງຂອງໝູ່ນາງສາວເມ)
ຫຼັງຈາກນັ້ນທ້າວ ຊາຍ ເດີນທາງມາຮອດ ແລະ ມີສະພາບທີ່ເມົາກ່ອນທີ່ຈະຖາມວ່າ: ຈະບໍ່ກັບໄປຄືນດີກັນບໍ ນາງສາວ ເມກະຍັງປະຕິເສດ ແລ້ວຕອບໄປວ່າບໍ່ກັບ ຈຶ່ງເປັນເຫດເຮັດໃຫ້ທ້າວ ຊາຍ ໃຈຮ້າຍ ແລະ ໄດ້ໃຊ້ມີດແຫຼມທີ່ເຊື່ອງໄວ້ທາງຫຼັງແທງເຂົ້າທີ່ບໍລິເວນຄໍຂ້າງຊ້າຍ ຈົນເສຍຊີວິດ ສ່ວນເຈົ້າຂອງຫ້ອງແມ່ນແລ່ນໜີຕາຍ ສ່ວນຜູ້ກໍ່ເຫດ ພາຍຫຼັງກໍບໄດ້ສະຕິ ເພາະບໍ່ໄດ້ຫຼົບໜີ ແລະ ນັ່ງຖ້າມອບຕົວແກ່ເຈົ້າໜ້າທີ່ຢູ່ຂ້າງສົບຜູ້ເສຍຊີວິດ.
ທາງດ້ານ ທ້າວ ຊາຍ ໄດ້ໃຫ້ການຮັບສາລະພາບ ຕຳຫຼວດຈຶ່ງແຈ້ງຂໍ້ຫາຖານ ຂ້າຜູ້ອື່ນ ກ່ອນຈະຄວບຄຸມຕົວໄປດຳເນີນຄະດີຕາມກົດໝາຍ.