ກະຊວງ ປກສ ຄວ້າແຊ້ມບານເຕະ Lao Youth Union Cup ປະຈຳປີ 2024 ໄດ້ສຳເລັດ
ການແຂ່ງຂັນກິລາບານເຕະ ຊີງຂັນ ສະຫາຍ ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ (Lao Youth Union Cup ປະຈຳປີ 2024) ໄດ້ສຳເລັດໃນວັນທີ 25 ກຸມພາ 2025 ທີ່ສະໜາມກິລາລ້ານຊ້າງ ສະເຕດ້ຽມ (ບ້ານໜອງໄຮ) ເຊິ່ງຄູ່ຊີງຊະນະເລີດ ເປັນການພົບກັນລະຫວ່າງ ທີມຊາວໜຸ່ມ ກະຊວງ ປກສ ພົບກັບ ທີມຊາວໜຸ່ມ ກະຊວງສຶກສາທິການ ແລະ ກິລາ, ຈົບການແຂ່ງຂັນ ທີມກະຊວງ ປກສ ເອົາຊະນະດ້ວຍຜົນປະຕູ 3-0 ຄວ້າແຊັມໄປຄອງໄດ້ສຳເລັດ.
ສໍາລັບຜົນຂອງການແຂ່ງຂັນ ມີດັ່ງນີ້:
1. ລາງວັນຊະນະເລີດ ແມ່ນ ທີມນັກກິລາຊາວໜຸ່ມ ກະຊວງປ້ອງກັນຄວາມສະຫງົບ ໄດ້ຮັບຫຼຽນຄໍາ, ຂັນລາງວັນໜຶ່ງໜ່ວຍ ພ້ອມເງິນ 20.000.000 ກີບ
2. ອັນດັບທີ II ທີມຊາວໜຸ່ມ ກະຊວງສຶກສາທິການ ແລະ ກິລາ ໄດ້ຮັບຫຼຽນເງິນ ພ້ອມເງິນ 15.000.000 ກີບ
3. ອັນດັບທີ III ທີມຊາວໜຸ່ມ ກະຊວງເຕັກໂນໂລຊີ ແລະ ການສື່ສານ ໄດ້ຮັບຫຼຽນທອງ ພ້ອມເງິນ 10.000.000 ກີບ
4. ອັນດັບທີ IV ທີມຊາວໜຸ່ມ ກະຊວງປ້ອງກັນປະເທດ ໄດ້ຮັບເງິນ 5.000.000 ກີບ
ແຫຼ່ງຂ່າວ: ຄວາມສະຫງົບ