ກະຊວງກະສິກຳ ແລະ ປ່າໄມ້ ໃຫ້ຮູ້ວ່າ: ມາຮອດປັດຈຸບັນ ທົ່ວປະເທດສາມາດເກັບກ່ຽວມ້ຽນມັດເຂົ້ານາປີແລ້ວ 100%
ຂອງເນື້ອທີ່ 772.600 ເຮັກຕາ, ຄາດຄະເນຜົນຜະລິດບັນລຸໄດ້ປະມານ 3.2 ລ້ານໂຕນ, ໃນນີ້ພາກ ເໜືອປະຕິບັດໄດ້ 476
ພັນກວ່າ ໂຕນ, ພາກກາງປະຕິບັດໄດ້ ຫຼາຍກວ່າ 1,84 ລ້ານໂຕນ, ພາກ ໃຕ້ປະຕິບັດໄດ້ 958 ພັນໂຕນ ແລະ ຜູ້ລາຍງານ
ໃຫ້ຮູ້ອີກ ວ່າ : ການຜະລິດເຂົ້ານາປີ ປີນີ້ເມື່ອທຽບໃສ່ປີຜ່ານມາແລ້ວເຫັນວ່າ: ມີຂະບວນການດີຂຶ້ນ, ສຳລັບການເກັບ
ກ່ຽວເຂົ້າຢູ່ເຂດເນີນສູງ ແມ່ນສຳເລັດແຕ່ທ້າຍເດືອນພະ ຈິກຜ່ານມາ, ສ່ວນຂະ ບວນການປູກພືດອື່ນໆສາມາດປະຕິ
ບັດໄດ້ ແລ້ວໃນເນື້ອທີ່ປະມານ 5 ແສນ ກວ່າເຮັກຕາ ເທົ່າກັບ 80% ຂອງເນື້ອທີ່ແຜນ ການ, ສຳລັບພຶດອາຍຸສັ້ນປູກໄດ້
ຫຼາຍຮອບ ວຽນກໍມີການເກັບກູ້ເພື່ອຕອບສະໜອງ ຄວາມຕ້ອງການຂອງຕະຫຼາດພາຍ ໃນ ແລະທ້ອງຖິ່ນໄດ້ເປັນຢ່າງ
ດີ, ໃນສະເພາະໜ້ານີ້ ຂະແໜງກະສິກຳຈະໄດ້ສືບຕໍ່ສົມທົບກັບທ້ອງຖິ່ນສັງລວມແຜນ ການ ແລະ ຊຸກຍູ້ການຜະລິດເຂົ້າ
ນາແຊງ ແລະ ພືດລະດູແລ້ງສົກປີ 2014-2015 ໃຫ້ໄດ້ຕາມຄາດໝາຍທີ່ວາງໄວ້ໂດຍເນັ້ນໃສ່ປັດໄຈທີ່ກ່ຽວຂ້ອງເຊັ່ນ: ນ້ຳ,
ຝຸ່ນປຸ໋ຍ, ແນວພັນ ແລະ ອື່ນໆໃຫ້ຮັບປະກັນດີກວ່າເກົ່າ.
ແຫລ່ງຂ່າວ: ລາວພັດທະນາ