spot_img
Homeຂ່າວຕ່າງປະເທດທ່ານ ໂດໂນ ທຣຳ ລົງນາມຄຳສັ່ງບໍລິຫານ ຍົກເລີກການໃຊ້ທໍ່ເຈ້ຍ ກັບມາໃຊ້ທໍ່ພລາສຕິກ

ທ່ານ ໂດໂນ ທຣຳ ລົງນາມຄຳສັ່ງບໍລິຫານ ຍົກເລີກການໃຊ້ທໍ່ເຈ້ຍ ກັບມາໃຊ້ທໍ່ພລາສຕິກ

Published on

ທ່ານ ໂດໂນ ທຣຳ ລົງນາມຄຳສັ່ງບໍລິຫານ ຍົກເລີກການໃຊ້ທໍ່ເຈ້ຍ ກັບມາໃຊ້ທໍ່ພລາສຕິກ

ປະທານາທິບໍດີ ໂດໂນ ທຣຳ ລົງນາມໃນຄຳສັ່ງຝ່າຍບໍລິຫານ ໃຫ້ຍຸດຕິຄວາມພະຍາຍາມຂອງອາເມລິກາ ໃນການແທນທີ່ທໍ່ດູດພລາສຕິກ ດ້ວຍທໍ່ດູດເຈ້ຍ ເຊິ່ງເປັນການກັບລຳນະໂຍບາຍຂອງອະດີດປະທານາທິບໍດີ ໂຈ ໄບເດນ ທີ່ເຄີຍລະບຸວ່າ ‘ປັນຫາມົນລະພິດພລາສຕິກເປັນວິກິດ’

ຄຳສັ່ງດັ່ງກ່າວມີຜົນບັງຄັບໃຊ້ທັນທີ ໂດຍກຳນົດໃຫ້ໜ່ວຍງານລັດທະບານກາງ ຢຸດຊື້ທໍ່ເຈ້ຍ ແລະວາງແຜນເພື່ອກຳຈັດການໃຊ້ທໍ່ເຈ້ຍທົ່ວປະເທດ.

ທ່ານ ໂດໂນ ທຣຳ ໃຫ້ສຳພາດທີ່ທຳນຽບຂາວ ເມື່ອວັນຈັນ 10 ກຸມພາ 2025 ວ່າ: “ທໍ່ພວກນີ້ໃຊ້ບໍ່ໄດ້ຜົນ ຂ້ອຍໃຊ້ມັນຫຼາຍເທື່ອແລ້ວ ບາງເທື່ອມັນແຕກ ຍາງເທື່ອມັນລະເບີດ ຖ້າເປັນຂອງຮ້ອນ ມັນຢູ່ໄດ້ພຽງແຕ່ບໍ່ເທົ່າໃດນາທີ ຫຼື ບາງເທື່ອກໍບໍ່ເທົ່າໃດວິນາທີ ມັນເປັນສະຖານະການທີ່ໄຮ້ສາລະ”

ການປ່ຽນແປງນີ້ ເປັນການຍົກເລີກນະໂຍບາຍຂອງໄບເດນໃນປີ 2024 ທີ່ສັ່ງໃຫ້ລັດຖະບານການຍຸດຕິການສັ່ງຊື້ທໍ່ພລາສຕິກ ລວມເຖິງບ່ວງຊ່ອມ ແລະບັນຈຸພັນພລາສຕິກ. ໂດຍໄບເດນເຄີຍຕັ້ງເປົ້າທີ່ຈະຍົກເລີກການໃຊ້ພລາສຕິກແບບໃຊ້ເທື່ອດຽວ ຈາກການດຳເນີນການຂອງລັດຖະບານການ ພາຍໃນປີ 2025.

ທຣຳເປັນຜູ້ວິພາກວິຈານທໍ່ເຈ້ຍມາໂດຍຕະຫຼອດ ໃນການຫາສຽງເລືອກຕັ້ງຕັ້ງແຕ່ປີ 2020 ເຊິ່ງລາວໄດ້ເສຍຕຳແໜ່ງໃຫ້ກັບໄບເດນ. ທີມຂອງລາວຈຳໜ່າຍທໍ່ພລາສຕິກ ທີ່ມາກາສິນຄ້າ “Trump” ໃນລາຄາຊຸດລະ 15 ໂດລາ (ປະມານ 400,000 ກີບ) ເພື່ອແທນທີ່ທໍ່ເຈ້ຍທີ່ລາວເອີ້ນມັນວ່າ “ຂອງພວກເສລີນິຍົມ” ລາຍງານລະບຸວ່າທໍ່ພລາສຕິກຂອງລາວ ເຮັດລາຍໄດ້ເກືອບ 500,000 ໂດລາ ພາຍໃນບໍ່ເທົ່າໃດອາທິດ.

ໂຄງການສິ່ງແວດລ້ອມແຫ່ງສະຫະປະຊາຊາດ (UNEP) ລະບຸວ່າທົ່ວໂລກ ມີການຜະລິດພລາສຕິກສູງເຖິງ 460 ລ້ານເມຕຣິກຕັນຕໍ່ປີ ເຊິ່ງເປັນປັດໄຈສຳຄັນທີ່ກໍ່ໃຫ້ເກີດຂີ້ເຫຍື້ອໃນມະຫາສະໝຸດ ແລະໄມໂຄພລາສຕິກ ທີ່ອາດຈະສົ່ງຜົນກະທົບຕໍ່ສຸຂະພາບຂອງມະນຸດ.

ຢ່າງໃດກໍຕາມ ມີງານສຶກສາຫຼາຍສະບັບ ທີ່ພົບວ່າທໍ່ເຈ້ຍ ອາດຈະມີສານເຄມີທີ່ເອີ້ນວ່າ PFAS ຫຼື “ສານເຄມີຕະຫຼອດການ” (Forever Chemicals) ໃນປະລິມານສູງ ເຊິ່ງສາມາດປົນເປື້ອນໃນສິ່ງແວດລ້ອມ ແລະແຫຼ່ງນ້ຳ ສົ່ງຜົນກະທົບຕໍ່ສຸຂະພາບໄລຍະຍາວໄດ້.

ການຕັດສິນໃຈຂອງທ່ານ ໂດໂນ ທຣຳ ໃນຄັ້ງນີ້ ຈຶ່ງອາດນຳໄປສູ່ການຖົກຖຽງຄັ້ງໃໝ່ ກ່ຽວກັບຄວາມສົມດຸນລະຫວ່າງສິ່ງແວດລ້ອມ ແລະຄວາມສະດວກສະບາຍຂອງຜູ້ບໍລິໂພກ ໃນຂະນະທີ່ຫຼາຍປະເທດທົ່ວໂລກ ກຳລັງສຸມໃສ່ການຫຼຸດຂີ້ເຫຍື້ອພລາສຕິກ ເພື່ອຄວາມຢັ່ງຢືນໃນໄລຍະຍາວ.

ທີ່ມາ: BBC

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...