Homeຂ່າວພາຍ​ໃນທໍາລາຍໝາກກະໂພກ ແລະ ບັ້ງໄຟດອກ ມູນຄ່າເກືອບ 300 ລ້ານກີບ

ທໍາລາຍໝາກກະໂພກ ແລະ ບັ້ງໄຟດອກ ມູນຄ່າເກືອບ 300 ລ້ານກີບ

Published on

ເຈົ້າໜ້າທີ່ທຳລາຍໝາກກະໂພກ ແລະ ບັ້ງໄຟດອກ ທີ່ລັກລອບນຳເຂົ້າລວມມູນຄ່າເກືອບ 300 ລ້ານກີບ

ພະແນກອຸດສາຫະກຳ ແລະ ການຄ້າ ນະຄອນຫຼວງວຽງຈັນ ໄດ້ທໍາລາຍໝາກກະໂພກ ແລະ ບັ້ງໄຟດອກ ທີ່ຍຶດໄດ້ຈາກການ ລັກລອບນຳເຂົ້າ ແລະ ຈຳໜ່າຍ ເຊິ່ງການທຳລາຍຄັ້ງນີ້ ຈັດຂຶ້ນໃນວັນທີ 7 ກຸມພາ 2025 ທີ່ກອງພັນໃຫຍ່ 497.

ທ່ານ ມະໂນສັກ ໄຊສິລິກຸນ ຮອງຫົວໜ້າຂະແໜງການຄ້າພາຍ ໃນ ໃຫ້ຮູ້ວ່າ: ເຈົ້າໜ້າທີ່ການຄ້າ ພະ ແນກອຸດສາຫະກໍາ ແລະ ການ ຄ້າ ນວ ແລະ ຫ້ອງການອຸດສາຫະກຳ ແລະ ການຄ້າ 9 ຕົວເມືອງ ໄດ້ເຄື່ອນໄຫວວຽກງານຕ້ານ ແລະ ສະກັດກັ້ນການຄ້າຂາຍເຖື່ອນ ຄ້າ ຂາຍນອກລະບົບທຸກຮູບແບບ ໃນໄລຍະບຸນປີໃໝ່ສາກົນ ປີໃໝ່ຊາວຈີນ ແລະ ຊາວຫວຽດນາມ ປີ 2025 ເຊິ່ງໄດ້ກວດກາບັນດາຮ້ານຄ້າ ແລະ ຕະຫຼາດ ໃນນະຄອນຫຼວງວຽງຈັນ ທັງໝົດ 24 ຕະຫຼາດ ແລະ 166 ຮ້ານ ຜ່ານການກວດກາໄດ້ພົບເຫັນການລັກລອບນຳເຂົ້າ ແລະ ຈຳໜ່າຍ ໝາກກະໂພກ ແລະ ບັ້ງ ໄຟດອກ ທີ່ເປັນສິນຄ້າເກືອດຫ້າມນໍາເຂົ້າ ແລະ ຈໍາໜ່າຍ ລວມນ້ຳໜັກທັງໝົດປະມານ 576,6 ກິໂລກຣາມ ຄິດເປັນມູນຄ່າ 295.040.000 ກີບ.

ສະນັ້ນ ເຈົ້າໜ້າທີ່ການຄ້າ ຈຶ່ງໄດ້ເຮັດບົດບັນທຶກກວດກາ ແລະ ຍຶດສິນຄ້າດັ່ງກ່າວ ມາເກັບຮັກສາໄວ້ເພື່ອລໍຖ້າທໍາລາຍຖີ້ມຕາມລະບຽບການ.

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...