ສຳນັກຂ່າວຕ່າງປະເທດລາຍງານເມື່ອບໍ່ດົນມານີ້ ກ່ຍວກັບເລື່ອງສຸດຮືຮາ ເມື່ອພໍ່ຕູ້ຊາວຈີນອາຍຸ 70 ປີ ທີ່ອາໄສຢູ່ບ້ານກັບລານຊາຍອາຍຸ 11 ປີ ໃນມົນທົນຈຽງຊູ ປະເທດຈີນ ກຳລັງເປັນທີ່ໜ້າສົນໃຈໃນສື່ສັງຄົມອອນລາຍ ຫຼັງຈາກປະຕິເສດຂໍ້ສະເໜີຈາກລັດທະບານຈີນ ທີ່ໃຫ້ເງິນຊົດເຊີຍ ເກືອບ 5 ຕື້ກີບ ເພື່ອໃຫ້ຍ້າຍອອກຈາກບ້ານ 2 ຊັ້ນຂອງລາວທີ່ຕັ້ງຢູ່ໃນບໍລິເວນທີ່ກຳລັງກໍ່ສ້າງທາງດ່ວນ.
ຕາມການລາຍງານລະບຸວ່າເ ປັດຈຸບັນບ້ານຂອງພໍ່ຕູ້ ໄດ້ຖືກຫົນທາງອ້ອມຮອບ ແລະ ຫຼັງຄາບ້ານຢູ່ລະດັບດຽວກັບທາງດ່ວນ ທີ່ກຳລັງກໍ່ສ້າງຢູ່ ໂດຍຕ້ອງພົບກັບສະພາບຝຸ່ນ ແລະ ສຽງດັງຈາກການກໍ່ສ້າງ ຈົນບ້ານຕ້ອງສັ່ນສະເທືອນ ຈາກສຽງເຄື່ອງຈັກຈົນຕົນກັບຫຼານໄດ້ອອກໄປອາໃສຢູ່ໃນເມືອງເພື່ອຫຼີກຫຼຽງການກໍ່ສ້າງ.
ເຖິງແມ່ນວ່າລັດຖະບານຈະສະເໜີເງິນຊົດເຊີຍໃຫ້ ແຕ່ພໍ່ຕູ້ເລືອກທີ່ຈະຕັດສິນໃຈບໍ່ຂາຍບ້ານ ແລະ ຍົງຄົງອາໄສຢູ່ບ່ອນເກົ່າ ເນື່ອງຈາກລາວບໍ່ຕ້ອງການຍ້າຍໄປຢູ່ບ່ອນອື່ນ ແຕ່ສຸດທ້າຍພໍ່ຕູ້ກໍຕ້ອງເສຍໃຈທີ່ການຕັດສິນໃຈຂອງລາວຄ້າຍຄືການ ແພ້ການພະນັນຄັ້ງໃຫຍ່.
ສຸດທ້າຍພໍ່ຕູ້ໄດ້ກ່າວວ່າ: ຖ້າຍ້ອນເວລາໄປໄດ້ ລາວຈະຍອມຮັບຂໍ້ສະເໜີຂອງລັດຖະບານ ແລະ ຍ້າຍອອກໄປແຕ່ຕົ້ນ.
ແຫຼ່ງຂ່າວ: TV pool