ສຳນັກຂ່າວຕ່າງປະເທດລາຍງານໃນວັນທີ 26 ມັງກອນ 2025, ອົງການຂົນສົ່ງມວນຊົນກຸງເທບ (ຂສມກ) ເປີດໃຫ້ບໍລິການລົດໂດຍສານຟຣີ ທຸກເສັ້ນທາງ ເພື່ອແກ້ໄຂບັນຫາສະຖານະການຝຸ່ນລະອອງຂະນາດນ້ອຍ ຫຼື PM 2.5 ເລີ່ມຕັ້ງແຕ່ວັນທີ 25-31 ມັງກອນ 2025.
ທ່ານ ສຸລິຍະ ຈຶງຮຸ່ງເຮືອງກິດ ຮອງນາຍົກລັດຖະມົນຕີ, ລັດຖະມົນຕີວ່າການກະຊວງຄົມມະນາຄົມ ແຫ່ງປະເທດໄທ ໄດ້ມອບນະໂຍບາຍໃຫ້ກັບໜ່ວຍງານກ່ຽວຂ້ອງທີ່ຢູ່ພາຍໃຕ້ສັງກັດກະຊວງຄົມມະນາຄົມ ເພື່ອດຳເນີນການແກ້ໄຂບັນຫາສະຖານະການຝຸ່ນລະອອງຂະນາດນ້ອຍ ຫຼື PM 2.5 ທີ່ມີປະລິມານເພີ່ມຂຶ້ນສູງຢ່າງຕໍ່ເນື່ອງຈຶ່ງໄດ້ດຳເນີນການນະໂຍບາຍການໃຫ້ບໍລິການໃຫ້ນຳໃຊ້ລົດໂດຍສານຟຣີທຸກເສັ້ນທາງ ເພື່ອສົ່ງເສີມການໃຊ້ລົດສາທາລະນະ ແລະ ຫຼຸດຜ່ອນການໃຊ້ລົດສ່ວນຕົວ ເປັນໄລຍະເວລາ 7 ມື້ ແຕ່ວັນທີ 25-31 ມັງກອນ 2025.
ສຳລັບລົດໄຟຟ້າທີ່ເປີດໃຫ້ບໍລິການມີທັງໝົດຄື: ລົດໄຟຟ້າ Airport Rail Link, ລົດໄຟຟ້າຊານເມືອງ (ສາຍສີແດງ), ລົດໄຟຟ້າສາຍສະເຫຼີມຣັດຊະມົງຄົນ, ລົດໄຟຟ້າສາຍສະຫຼອງລັດຊະທຳ, ລົດໄຟຟ້າ BTS ສາຍສີຂຽວ, ລົດໄຟຟ້າ ສາຍສີທອງ, ລົດໄຟຟ້າ ນັກລາພິພັດ ແລະ ລົດໄຟຟ້າສີບົວຜູ້ໃຫ້ບໍລິການ.
ຕາມການລາຍງານຄາດວ່າຕະຫຼອດ 7 ມື້ລັດທະບານໄທຕ້ອງໃຊ້ງົບປະມານໃນການອຸດໜຸນລະບົບຂົນສົ່ງມວນຊົນທັງໝົດ 140-150 ລ້ານບາດ ໂດຍແຫຼ່ງງົບປະມານຈະໃຊ້ລົບປະມານກາງເປັນຫຼັກ ສ່ວນຂະບວນການຂໍງົບປະມານໜ້າຈະບໍ່ມີບັນຫາເພາະອຳນາດກາງເປັນຂອງ ນາຍົກລັດຖະມົນຕີ ທີ່ສາມາດສັ່ງເບິກຈ່າຍໄດ້ໂດຍຈະມີການເຮັດລາຍງານເຂົ້າສູ່ກອງປະຊຸມຄະນະລັດຖະມົນຕີ ເພື່ອຮັບຊາບ.
ແຫຼ່ງຂ່າວ: ກຸງເທບທຸລະກິດ