ສານຈີນຕັດສິນຈຳຄຸກ 20 ປີ ເພື່ອນສະໜິດ ຫລິວ ຈື້ຈວິນ ອະດີດລັດຖະມົນຕີການລົດໄຟ ຖານສົມຮູ້ຮ່ວມຄິດສໍ້ລາດບັງ
ຫລວງ ພ້ອມປັບໄໝອີກກ່ວາ 2,5 ຕື້ຢວນ.
ສຳນັກຂ່າວຕ່າງປະເທດ ລາຍງານໃນວັນທີ 17 ທັນວາຜ່ານມານີ້ວ່າ ສານຈີນໄດ້ຕັດສິນລົງໂທດ ນາງ ຕິງ ຊູໝຽວ ດ້ວຍໂທດ
ຈຳຄຸກ 20 ປີ ແລະ ປັບໄໝເງິນອີກກ່ວາ 2,500,000,000 ຢວນ ຫລື 2,5 ຕື້ຢວນ ໂດຍ ນາງ ຕິງ ແລະ ທ່ານ ຫລິວ ຈື້ຈວິນ
ອະດີດລັດຖະມົນຕີວ່າການກະຊວງລົດໄຟ ໄດ້ສົມຮູ້ຮ່ວມຄິດນຳກັນ ໃນການສໍ້ລາດບັງຫລວງຊ່ວຍໃຫ້ບໍລິສັດຕ່າງໆ ຊະນະ
ໂຄງການປະມູນກໍ່ສ້າງຂະໜາດໃຫຍ່ຫລາຍໂຄງການ ຂອງກະຊວງລົດໄຟຂອງຈີນ ໂດຍທີ່ມີ ນາງ ຕິງ ຊູໝຽວ ເປັນຄົນກາງ
ໃນການເຈລະຈາລະຫວ່າງນັກທຸລະກິດຄົນອື່ນໆ ແລະ ທ່ານ ຫລິວ ຈື້ຈວິນ.
ສ່ວນທາງດ້ານ ທ່ານ ຫລິວ ຈື້ຈວິນ ອະດີດລັດຖະມົນຕີວ່າການກະຊວງລົດໄຟຈີນ ກໍໄດ້ຖືກພິພາກສາປະຫານຊີວິດ ໂດຍໃຫ້
ພາກໂທດໄວ້ 2 ປີ ໃນຄວາມຜິດສໍ້ລາດບັງຫລວງ ແລະ ໃຊ້ອຳນາດໃນທາງບໍ່ຖືກຕ້ອງ ຕັ້ງແຕ່ປີ 2013 ແລ້ວ.
