ອີງຕາມການລາຍງານຂອງເຈົ້າໜ້າທີ່ພະແນກຕຳຫຼວດສະກັດກັນແລະຕ້ານຢາເສບຕິດ ປກສ ແຂວງຈຳປາສັກ ໃຫ້ຮູ້ວ່າ: ໃນເວລາ 12:00 ໂມງ ຂອງວັນທີ 10 ມັງກອນ 2025 ຜ່ານມາ, ເຈົ້າໜ້າທີ່ວິຊາສະເພາະ ໄດ້ລົງມ້າງຄະດີ ຢູ່ເຂດບ້ານຫ້ວຍກອງ ເມືອງປາກຊ່ອງ ແຂວງຈຳປາສັກ.
ຕາມການລາຍງານໄດ້ກັກຕົວຜູ້ຖືກຫາ 1 ຄົນຊື່: ທ້າວ ສໍ ລໍວັນໄຊ ອາຍຸ 27 ປີ, ເຊື້ອຊາດລາວ, ສັນຊາດລາວ, ກຳມະກອນ , ອາໃສຢູ່ບ້ານຫ້ວຍກອງ ເມືອງປາກຊ່ອງ ແຂວງຈຳປາສັກ ພ້ອມເຄື່ອງຂອງກາງຢາເສບຕິດ, ຢາບ້າຈຳນວນ 60 ມັດ ເທົ່າກັບ 120,000 ເມັດ ແລະ ໂທລະຊັບ 01 ໜ່ວຍ, ລົດຈັກເວັບຍີ່ຫໍ້ຮອນດ້າ ສີແດງບໍ່ມີປ້າຍ, ສາຍຄໍຄ້າຍຄືເງິນ 1 ເສັ້ນ, ປະຈຸບັນຄະດີແມ່ນຢູ່ໃນຂັ້ນຕອນການດຳເນີນການ ສືບສວນ-ສອບສວນ ຂອງເຈົ້າໜ້າທີ່ວິຊາສະເພາະເພື່ອຊອກຫາຜູ້ຮ່ວມຂະບວນການ ມາດຳເນີນຄະດີຕາມຂັ້ນຕອນກົດໝາຍ.
ແຫຼ່ງຂ່າວ: ປກສ ແຂວງຈຳປາສັກ