ເຈົ້າໜ້າທີ່ກູ້ໄພຊາວຫວຽດນາມ ເລັ່ງໃຫ້ການຊ່ວຍເຫລືອ ແລະ ປ້ຳອາກາດເຂົ້າໄປພາຍໃນຈຸດເກີດເຫດ ເພື່ອພະຍາຍາມ
ຮັກສາຊີວິດກຳມະກອນຢ່າງໜ້ອຍ 12 ຄົນ ທີ່ຕິດຢູ່ພາຍໃນອຸໂມງຖະຫລົ່ມ ບໍລິເວນຈຸດກໍ່ສ້າງເຂື່ອນໄຟຟ້າ.
ເຈົ້າໜ້າທີ່ກູ້ໄພໄດ້ດຳເນີນພາລະກິດຊ່ວຍເຫລືອຢ່າງຮີບດ່ວນທີ່ສຸດ ໃນການເຈາະຮູຂະໜາດນ້ອຍ ເພື່ອປ້ຳອົກຊີເຢັນເຂົ້າ
ໄປພາຍໃນອຸໂມງ ເພື່ອຮັກສາຊີວິດຂອງກຳມະກອນ ທີ່ຕິດຢູ່ໃນອຸໂມງດັ່ງກ່າວ ເຊິ່ງໄດ້ຖະຫລົ່ມລົງມາໃນຕອນເຊົ້າຂອງວັນ
ທີ 16 ທັນວາຜ່ານມານີ້ ຍ້ອນຝົນຕົກໜັກໃນພື້ນທີ່ ໂດຍອຸໂມງດັ່ງກ່າວ ເປັນສ່ວນໜຶ່ງຂອງໂຄງການພັດທະນາໂຮງງານ
ໄຟຟ້າພະລັງງານນ້ຳ ໃນແຂວງເລີມດົ່ງ ທາງພາກກາງປະເທດຫວຽດນາມ.
ລ່າສຸດແຫລ່ງຂ່າວໄດ້ລາຍງານວ່າ ກຳມະກອນທີ່ຕິດຢູ່ພາຍໃນອຸໂມງດັ່ງກ່າວ ຍັງປອດໄພດີ ແລະ ພວກເຂົາສາມາດຕິດຕໍ່
ສື່ສານກັບທີມກູ້ໄພໄດ້ ໂດຍຜ່ານທໍ່ທີ່ສົ່ງເຂົ້າໄປດ້ານໃນ.