Homeຂ່າວທ້ອງຖິ່ນງານບຸນຊ່ວງເຮືອປະເພນີປະຈໍາປີ 2024 ຂອງແຂວງວຽງຈັນ

ງານບຸນຊ່ວງເຮືອປະເພນີປະຈໍາປີ 2024 ຂອງແຂວງວຽງຈັນ

Published on

ງານບຸນຊ່ວງເຮືອປະເພນີປະຈໍາປີ 2024 ຂອງແຂວງວຽງຈັນ ຈະໄດ້ຈັດຂຶ້ນຢ່າງເປັນທາງການໃນວັນທີ 3 ພະຈິກ (11) 2024, ກົງກັບວັນອາທິດ, ຂຶ້ນ 3 ຄໍ່າ, ເດືອນ 12 ພສ 2567 ຊຶ່ງອົງການປົກຄອງແຂວງວຽງຈັນ, ເມືອງທຸລະຄົມ ແລະ ບໍລິສັດ ນໍ້າເພັດຈະເລີນຊັບ ຈໍາກັດຜູ້ດຽວ ໄດ້ຮັບກຽດເປັນເຈົ້າພາບຈັດຂຶ້ນຢູ່ທີ່ທ່ານໍ້າງື່ມ ຄຸ້ມນໍ້າພະນາຍ, ບ້ານເກິນກາງ.

ເພື່ອອະນຸລັກຮັກສາວັດທະນະທໍາຮີດຄອງປະເພນີ ໂດຍສືບສານຕໍານານການແຂ່ງຂັນເຮືອຍາວປະເພນີຕາມຮອຍບັນພະບູລຸດ ກໍຄືມູນເຊື້ອອັນດີງາມຂອງຊາດລາວ-ຂອງຊາວແຂວງວຽງຈັນ ແລະ ຊາວລ້ອງງື່ມ; ຕ້ອນຮັບ ແລະ ຊົມເຊີຍປີທ່ອງທ່ຽວລາວ, ທ່ອງທ່ຽວແຂວງວຽງຈັນ 2024 ຕາມນະໂຍບາຍສົ່ງເສີມ, ໂຄສະນາ, ດຶງດູດ, ກະຕຸ້ນການທ່ອງທ່ຽວ, ເສດຖະກິດ, ກະຈາຍລາຍໄດ້ສູ່ຊຸມຊົນ; ສ້າງຂະບວນການ, ຕ້ອນຮັບ ແລະ ຊົມເຊີຍກອງປະຊຸມໃຫຍ່ 3 ຂັ້ນ ຂອງພັກ; ວັນສະຖາປານາສາທາ ລະນະລັດປະຊາທິປະໄຕປະຊາຊົນລາວຄົບຮອບ 49 ປີ ແລະ ວັນສໍາຄັນອື່ນໆຂອງຊາດ; ສະຫຼຸບຜົນການເກັບກ່ຽວຜົນຜະລິດລະດູຝົນ ຕິດພັນກັບການຫ້າງຫາກະກຽມເຂົ້າໃສ່ການຜະລິດລະດູແລ້ງ; ເປີດໂອກາດໃຫ້ຄະນະສີພາຍເຮືອຊ່ວງໄດ້ມາເຂົ້າຮ່ວມແຂ່ງຂັນ, ແລກປ່ຽນທັກສະທ່ວງທ່າລີລາ ການພາຍເຮືອທີ່ຖືກຕາມກົດລະບຽບ; ເພື່ອຝຶກຊ້ອມຮ່າງກາຍໃຫ້ແຂງແຮງ, ຄັດເລືອກນັກກິລາ ໃຫ້ເປັນມືອາຊີບ; ກິລາເພື່ອສຸຂະພາບ, ມິດຕະພາບ, ຄວາມສາມັກຄີ ແລະ ກິລາຫ່າງໄກຢາເສບຕິດ.

ເລີ່ມຄົບງັນເອົາຕະຫຼາດນັດວາງສະແດງຂາຍສິນຄ້າປະເພດຕ່າງໆ ນັບແຕ່ວັນທີ 28 ຕຸລາ(10) 2024 ເປັນຕົ້ນໄປມີກໍານົດຄົບງັນ 7 ວັນ, ຮູບແບບຂອງການຈັດງານໂດຍລວມແມ່ນລັກສະນະຄືກັບປີຜ່ານມາ, ແຕ່ມີຈຸດພິເສດຄືງານປີນີ້ແມ່ນຈັດແບບຍິ່ງໃຫຍ່ເນື່ອງຈາກພໍດີຄົບຮອບ 3 ປີ ທີ່ຈັດງານບຸນຊ່ວງເຮືອແຂວງວຽງຈັນຢູ່ເມືອງທຸລະຄົມ.

ເພື່ອສ້າງສີສັນໃຫ້ແກ່ງານ, ໃນວັນທີ 2 ພະຈິກ 2024 ມີການແຂ່ງຂັນຊ່ວງເຮືອກິລາປະເພດ 12 ສີພາຍ ລາງວັນຊະນະເລີດໄດ້ຮັບເງິນສົດ 30,000,000 ກີບ, ຄາດຄະເນມີເຮືອເຂົ້າຮ່ວມແຂ່ງຂັນບໍ່ຕໍ່າກວ່າ 50 ລໍາ, ສໍາລັບເຮືອທີ່ມາລົງທະບຽນໄດ້ຮັບເງິນສົດຈໍານວນ 800,000 ກີບ.

ພ້ອມນັ້ນ ຍັງມີວົງດົນຕີໃຫຍ່ຊື່ສຽງໂດ່ງດັງຈາກແດນໃຕ້ມານໍາພາສ້າງບັນຍາກາດເບີກບານມ່ວນຊື່ນ ຄື ວົງດົນຕີເທບພອນໄຊ, ໃນວັນເປີດງານແຂ່ງຂັນຊ່ວງເຮືອຍາວປະເພນີ 55 ສີພາຍຢ່າງເປັນທາງການແມ່ນທີ 3 ພະຈິກ 2024, ມີຟ້ອນລາຍງ້າວ ແລະ ສິລະປະຂອງນ້ອງນັກຮຽນໃຫ້ໄດ້ຮັບຊົມ, ມີເຮືອເຂົ້າແຂ່ງຂັນທັງໝົດ 17 ລໍາ, ລາງວັນຊະນະເລີດໄດ້ຮັບເງິນສົດ 50,000,000 ລ້ານກີບ ພ້ອມຂັນເງິນສົດ 1 ໜ່ວຍ , ສ່ວນລາງວັນຖັດລົງມາກໍ່ໄດ້ຮັບຂອງຂວັນລາງວັນຢ່າງເໝາະສົມ ລວມທັງເຮືອຕົກຮອບ, ເຮືອເອ້ຢ້ອງປະດັບປະດາສວຍງາມ ທີ່ມາສ້າງບັນຍາກາດ, ມາເຊຍສ້າງຄວາມມ່ວນຊື່ນທາງໜ້ານໍ້າ ກໍໄດ້ຮັບລາງວັນເຊັ່ນດຽວກັນ.

ທີ່ມາ: ແຂວງວຽງຈັນອອນລາຍ

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...