ສຳນັກຂ່າວຕ່າງປະເທດລາຍງານໃນວັນທີ 21 ຕຸລາ 2024 ຜ່ານມາ, ຄະນະກຳມະການຍຸດທະສາດ ຊອຟພາວເວີ ແຫ່ງຊາດ ເປີດເຜີຍວ່າ: ໄທກຳລັງຈັດສັບສິນທາງປັນຍາ ຫຼື ໄອພີ ຈົດລິຂະສິດ “ເທດສະການສົງການ” ປະເທດອື່ນນຳໄປໃຊ້ບໍ່ໄດ້ ຕ້ອງໄດ້ຂໍອະນຸຍາດກ່ອນ ເພື່ອເພີ່ມລາຍໄດ້ເຂົ້າສູ່ຊຸມຊົນ ແລະ ພັດທະນາໄທກ້າວເຂົ້າສູ່ເມືອງທີ່ບໍ່ຫຼັບໄຫຼ.
ທ່ານ ນາງຊະດາທິບ ຈູຕະກູນ ປະທານເຈົ້າໜ້າທີ່ບໍລິຫານ ກຸ່ມບໍລິສັດສະຍາມພິວັນ ແລະ ກຳມະການຍຸດທະສາດ ຊອຟພາວເວີແຫ່ງຊາດ ກ່າວວ່າ: ກຳລັງເລັ່ງຂັບເຄື່ອນອິດທິພົນທາງວັດທະນະທຳ ແລະ ລວມໃຫ້ປະເພນີໄທ ກ້າວສູ່ການເປັນເທດສະການລະດັບໂລກ ພ້ອມເຮັດໃຫ້ຕິດອັນດັບ 1 ໃນ 10 ຂອງເທດສະການລະດັບໂລກ.
ທັງນີ້ໄທກໍໄດ້ມີການຈັດກິດຈະກຳຕ່າງໆຫຼາຍກວ່າປິລະ 30,000 ກິດຈະກຳ, ແຕ່ທາງເຈົ້າໜ້າທີ່ກໍກຳລັງຊຸກຍູ້ໃຫ້ປະເທດໄທມີການເຮັດ ຊັບສິນທາງປັນຍາ (Intellectual Property : IP) ຫຼື ໄອພີ ໂດຍເຮັດໃຫ້ລັດຖະບານໄທ ແລະ ປະຊາຊົນທີ່ມີຄວາມຄິດສ້າງສັນ ສາມາດສ້າງ ໄອພີຮ່ວມຈົດລິຂະສິດໄດ້ ຍົກຕົວຢ່າງ: ເທດສະການສົງການ ຂອງປະເທດໄທ ຕ້ອງຈົດໃຫ້ເປັນໄອພີ ເຊັ່ນຄຳວ່າ: ສົງການເຟສຕີວັລ ໂດຍປະເທດອື່ນບໍ່ສາມາດນຳໄປໃຊ້ໄດ້ ຕ້ອງໄດ້ຊື້ຈາກລັດຖະບານໄທ ຕາມຮູບແບບທີ່ລັດຖະບານວາງເອົາໄວ້.
ທີ່ມາ: ກຸງເທບທຸລະກິດ