Homeຂ່າວພາຍ​ໃນຮັບຈ້າງວາງຢາພິດ ເພື່ອຄາດຕະກຳ ທີ່ບ້ານຫ້ວຍຮຽງ ເມືອງສົບເບົາ ແຂວງຫົວພັນ

ຮັບຈ້າງວາງຢາພິດ ເພື່ອຄາດຕະກຳ ທີ່ບ້ານຫ້ວຍຮຽງ ເມືອງສົບເບົາ ແຂວງຫົວພັນ

Published on

ວັນທີ 17 ຕຸລາ 2024 ເຈົ້າໜ້າທີ່ແຂວງຫົວພັນ ພ້ອມພາກສ່ວນກ່ຽວຂ້ອງນໍາຕົວຜູ້ຕ້ອງຫາມາຈຳລອງເຫດການວາງຢາພິດ ເພື່ອຄາດຕະກຳຄອບຄົວທ້າວເລັງຟາງ ບ້ານຫ້ວຍຮຽງ ເມືອງສົບເບົາ ແຂວງຫົວພັນ ເຮັດໃຫ້ລູກຊາຍຂອງທ້າວເລັງຟາງ ອາຍຸ 9 ປີ ເສຍຊີວິດ, ສ່ວນລູກສາວ 5 ປີ, ລູກຊາຍ 4 ປີ ສາມາດນໍາສົ່ງໂຮງໝໍໄດ້ທັນ.

ເຫດການເກີດຂຶ້ນເມື່ອວັນທີ 15 ກຸມພາ 2024 ຫ້ອງການຕຳຫຼວດ ປກສ ແຂວງຫົວພັນ ໄດ້ຮັບການລາຍງານຈາກ ປກສ ເມືອງສົບເບົາວ່າ: ມີເຫດການຄົນເສຍຊີວິດຢູ່ບ້ານຫ້ວຍຮຽງ ເມືອງສົບເບົາ ແຂວງຫົວພັນ, ເມື່ອຮັບແຈ້ງເຫດເຈົ້າໜ້າທີ່ໄດລົງໄປຈຸດເກີດເຫດສັນນະສູດຊາກສົບ ເກັບກຳຂໍ້ມູນຫຼັກຖານຈຶ່ງຮູ້ວ່າ: ເຫດການດັ່ງກ່າວມີການວາງຢາພິດ ເພື່ອຄາດຕະກຳ, ຫຼັງຈາກນັ້ນເຈົ້າໜ້າທີ່ໄດ້ຮີບຮ້ອນຊອກຫາເປົ້າໝາຍ ຈົນມາຮອດວັນທີ 16 ກຸມພາ 2024 ຈຶ່ງໄດ້ກັກຕົວ ທ້າວຄົວລີ, ອາຍຸ 49 ປີ, ປະຊາຊົນບ້ານ ບ້ານຫ້ວຍຮຽງ ເມືອງສົບເບົາ ແຂວງຫົວພັນ ມາດຳເນີນການສືບສວນ.

ຜ່ານການສືບສວນສອບສວນ ຜູ້ກ່ຽວຮັບສາລະພາບວ່າ: ໄດ້ລົງມືກະທຳຜິດແທ້, ມື້ວັນທີ 14 ກຸມພາ 2024 ມີບຸກຄົນບໍ່ຮູ້ຊື່ ແລະ ບໍ່ຈື່ໜ້າ ມາບອກວ່າມີວຽກໃຫ້ເຮັດ, ຖ້າສຳເລັດຈະໄດ້ເງິນຈຳນວນ 2,000,000-3,000,000 ດົງ (ສະກຸນເງິນຫວຽດນາມ) ວຽກທີ່ຕ້ອງເຮັດແມ່ນໄປວາງຢາພິດໃສ່ຄອບຄົວທ້າວເລັງຟາງ, ຜູ້ກ່ຽວໄດ້ຕົກລົງເພາະວ່າຕົນຮັບຈ້າງຖາງໄຮ່ໃຫ້ຄອບຄົວນີ້ຢູ່ແລ້ວ, ຫຼັງຈາກນັ້ນຜູ້ຈ້າງ ໄດ້ເອົາເງິນໃຫ້ຕົນຈຳນວນ 100,000 ດົງ ພ້ອມຢາພິດ 1 ຫໍ່ນ້ອຍ ເປັນຝຸ່ນສີຂາວ, ຫຼັງຈາກໄດ້ເງິນກໍເອົາໄປຊື້ຢາມາເສບ.

ມາຮອດວັນທີ 15 ກຸມພາ 2024 ເວລາ 6 ໂມງເຊົ້າ ຕົນກໍໄປເຮືອນທ້າວເລັງຟາງ ເເລະ ເຮັດທຳທ່າໄປຖາມເອົາເງິນຄ່າຈ້າງຖາງໄຮ່, ແຕ່ທ້າວເລັງຟາງ ແລະ ເມຍໄດ້ອອກໄປຫາຟືນ ຈື່ງໄດ້ໂອກາດດີໃນການວາງຢາພິດ, ພໍດີເຫັນກະຕຸກນໍ້າອັດລົມປະລິມານ 1,5 ລິດ ທີ່ຍັງມີນໍ້າ 1/3 ຕັ້ງຢູ່ເທິງໂຕະ, ຈຶ່ງໄດ້ເອົາຢາພິດໃສ່ລົງໃນຕຸກດັ່ງກ່າວຈຳນວນໜຶ່ງ ແລະ ອີກຈຳນວນໜື່ງແມ່ນໃສ່ຖົງເສື້ອໄວ້ ແລ້ວອອກໄປຖາງໄຮ່ຕາມປົກກະຕິ, ໃນລະຫວ່າງທາງໄດ້ເອົາຢາພິດສ່ວນທີ່ເຫຼືອຖິ້ມເຂົ້າປ່າ, ເມື່ອກັບມາເຮືອນທ້າວເລັງຟາງ ກໍເຫັນລູກຂອງທ້າວເລັງຟາງມີອາການເຈັບທ້ອງ, ຕົນກໍເຮັດທຳທ່າວ່າບໍ່ມີຫຍັງເກີດຂຶ້ນ ແລະ ສຸດທ້າຍກໍຖືກເຈົ້າໜ້າທີ່ກັກຕົວມາດຳເນີນຄະດີໃນວັນທີ 16 ກຸມພາ 2024. ປັດຈຸບັນນີ້, ຕໍ່ກັບຄະດີທີ່ເກີດຂຶ້ນ ເຈົ້າໜ້າທີ່ໄດ້ທຳການສືບສວນສອບສວນຢ່າລະອຽດ ແລະ ຈະດຳເນີນຄະດີຕາມລະບຽບກົດໝາຍ.

ຂ່າວ: ປກສ ແຂວງຫົວພັນ

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...