spot_img
Homeຂ່າວພາຍ​ໃນຮອງປະທານປະເທດລາວ ເຂົ້າຮ່ວມພິທີສາບານຕົນເຂົ້າຮັບຕໍາແໜ່ງ ປະທານ ແລະ ຮອງປະທານນາທິບໍດີ ແຫ່ງ ອິນໂດເນເຊຍ

ຮອງປະທານປະເທດລາວ ເຂົ້າຮ່ວມພິທີສາບານຕົນເຂົ້າຮັບຕໍາແໜ່ງ ປະທານ ແລະ ຮອງປະທານນາທິບໍດີ ແຫ່ງ ອິນໂດເນເຊຍ

Published on

ໃນລະຫວ່າງວັນທີ 19-21 ຕຸລາ 2024 ທີ່ຜ່ານມາ, ພະນະທ່ານ ນາງ ປານີ ຢາທໍ່ຕູ້, ຮອງປະທານປະເທດ ແຫ່ງ ສປປ ລາວ ໄດ້ຕາງໜ້າໃຫ້ພັກປະຊາຊົນ ປະຕິວັດລາວ ແລະ ລັດຖະບານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ນໍາພາຄະນະຜູ້ແທນຈາກ ສປປ ລາວ ເຂົ້າຮ່ວມພິທີສາບານໂຕ ເຂົ້າຮັບຕໍາແໜ່ງເປັນປະທານາທິບໍດີ ຄົນທີ 8 ແຫ່ງ ສາທາລະນະລັດອິນໂດ ເນເຊຍ ຂອງ ພະນະທ່ານ ພຣາໂບໂວ ສຸບຽນໂຕ (Prabowo SUBIANTO) ແລະ ເປັນຮອງປະທານາທິບໍດີ ຂອງ ພະນະທ່ານ ກຣິບຣານ ຣາກາບຸມິງ ຣາກາ (Gibran Rakabuming Raka) ຢ່າງເປັນທາງການ ຕາມການເຊື້ອເຊີນ ຂອງ ລັດຖະບານ ແຫ່ງ ສາທາລະນະລັດ ອິນໂດເນເຊຍ.

May be an image of 9 people

ເຊິ່ງພິທີທາງການໄດ້ຈັດຂື້ນໃນວັນທີ 20 ຕຸລາ 2024, ທີ່ ນະຄອນຫຼວງຈາກາກຕາ, ປະເທດອິນໂດເນເຊຍ ໂດຍມີການນຳຂັ້ນສູງ ຈາກບັນດາປະເທດອາຊຽນ, ສປ. ຈີນ, ອາເມລິກາ, ອັງກິດ, ອົດສະຕຣາລີ ແລະ ປະ ເທດເພື່ອນມິດຕ່າງໆ ຂອງອິນໂດເນເຊຍ ລວມຈຳນວນກວ່າ 32 ປະເທດ ເຂົ້າຮ່ວມຢ່າງພ້ອມພຽງ ເພື່ອສະແດງຄວາມຊົມເຊີຍ ແລະ ຍິນດີຕໍ່ປະທານາທິບໍດີ ແລະ ຮອງປະທານາທິບໍດີຄົນໃໝ່ ທີ່ໄດ້ຮັບໄຊຊະນະໃນການເລືອກຕັ້ງທົ່ວປະເທດ ໃນເດືອນກຸມພາ 2024 ທີ່ຜ່ານມາ.

May be an image of 5 people, dais and text

ໃນພິທີສໍາຄັນດັ່ງກ່າວ, ປະທານາທິບໍດີ ພຣາໂບໂວ ສຸບຽນໂຕ ໄດ້ກ່າວປາໄສ ຕໍ່ຜູ້ທີ່ເຂົ້າຮ່ວມພິທີສາບານໂຕຢ່າງເປັນທາງ ການ ເພື່ອສະແດງຄວາມຂອບໃຈ ແລະ ປະກາດນະໂຍບາຍທີ່ສໍາຄັນໃນການນໍາພາ ແລະ ພັດທະນາປະເທດອິນໂດເນເຊຍ ແຕ່ປີ 2024 ຈົນເຖິງ 2029. ພ້ອມນີ້, ທ່ານ ຍັງໄດ້ຈັດງານລ້ຽງຕ້ອນ ຮັບ ເພື່ອເປັນກຽດແກ່ບັນດາປະມຸກລັດ ແລະ ການນໍາຂັ້ນສູງ ຂອງ ປະເທດຕ່າງໆທີ່ເຂົ້າຮ່ວມງານຄັ້ງນີ້ຢ່າງສົມກຽດ.

May be an image of 7 people, the Oval Office and text

ໃນໂອກາດນີ້, ພາຍຫຼັງສຳເລັດພີທີສາບານໂຕ, ພະນະທ່ານ ນາງ. ປານີ ຢາທໍ່ຕູ້, ຮອງປະທານປະເທດ ໄດ້ເຂົ້າຢ້ຽມຂໍ່ານັບ ພະນະທ່ານ ພຣາໂບໂວ ສຸບຽນໂຕ, ປະທານາທິບໍດີຄົນໃໝ່ ຂອງອິນໂດເນເຊຍ ແລະ ພົບປະກັບ ທ່ານ Muhammad Sarmuji, ເລຂາທິການໃຫ່ຍພັກໂກນກາ ເພື່ອນຳເອົາຄຳອວຍ ພອນອັນປະເສີດ ແລະ ການຊົມເຊີຍຢ່າງອົບອຸ່ນຈາກພັກ, ລັດ ຖະບານ ແລະ ປະຊາຊົນລາວ ມາຍັງ ປະທານາທິບໍດີຜູ້ໃໝ່ ພ້ອມ ດ້ວຍຄະນະລັດຖະບານ ໃໝ່, ຕີລາຄາສູງຕໍ່ການຮ່ວມມືທີ່ມີໝາກຜົນໃນໄລຍະຜ່ານມາ ແລະ ເຫັນດີຈະຮ່ວມມືກັນເສີມຂະຫຍາຍສາຍພົວພັນອັນດີງາມທີ່ເປັນມູນເຊື້ອ ແລະ ການພົວພັນທີ່ດີລະຫວ່າງສອງພັກ ແລະ ສອງປະເທດໃຫ້ແຕກດອກອອກຜົນຍິ່ງໆຂື້ນ.

May be an image of 6 people and text

ການເຂົ້າຮ່ວມພິທີສຳຄັນຄັ້ງນີ້ ຂອງຄະນະຜູ້ແທນລາວ ເປັນ ການສືບຕໍ່ເຈດຕະນາລົມອັນສະເໝີຕົ້ນສະເໝີປາຍ ໃນການສົ່ງ ເສີມການພົວພັນຮ່ວມມືທີ່ດີ ລະຫວ່າງ ສປປ ລາວ ກັບບັນດາປະເທດຕ່າງໆ ໃນພາກພື້ນ ແລະ ໃນໂລກ ໂດຍສະເພາະ ກັບອິນ ໂດເນເຊຍ ທີ່ຢູ່ໃນຄອບຄົວອາຊຽນດຽວກັນ ທັງຍັງເປັນການນໍາເອົາການສະໜັບສະໜູນຢ່າງຈິງໃຈ ຈາກພັກ, ລັດຖະບານ ແລະ ປະຊາຊົນ ແຫ່ງ ສປປ ລາວ ມາຍັງພັກ, ລັດຖະບານ ແລະ ປະຊາ ຊົນ ແຫ່ງ ສາທາລະນະລັດ ອິນໂດເນເຊຍ ໃນໂອກາດທີ່ມີຄວາມໝາຍສຳຄັນໃນຄັ້ງນີ້. ການເຂົ້າຮ່ວມງານດັ່ງກ່າວ ຂອງຄະນະຜູ້ ແທນແຫ່ງ ສປປລາວໃນຄັ້ງນີ້, ແມ່ນໄດ້ຮັບການຕ້ອນຮັບຢ່າງສົມ ກຽດ ແລະ ອົບອຸ່ນ ຈາກລັດຖະບານ ແລະ ປະຊາຊົນອິນໂດເນເຊຍ.

ຂ່າວ: ວສລ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...