ທ່ານ ​ດຣ. ສິນ​ລະ​ວົງ ຄຸດ​ໄພທູນ ເຈົ້າ​ຄອງ​ນະຄອນຫຼວງ​ວຽງ​ຈັນ ພ້ອມ​ດ້ວຍ​ທ່ານຮອງ​ເຈົ້າ​ຄອງ ແລະ ຄະນະ ໄດ້

ລົງ​ເຄື່ອນ​ໄຫວ​ຢ້ຽມຢາມ​ພື້ນຖານເສດຖະກິດ ເປັນຕົ້ນ ດ່ານ​ພາສີທ້ອງຖິ່ນ​ທ່າ​ເດື່ອ ແລະ ໂຄງການເຂດ​ເສດຖະ

ກິດ​ສະເພາະ​ດົງ​ໂພ​ສີ ຢູ່​ເມືອງ​ຫາດ​ຊາຍ​ຟອງ ໃນ​ວັນ​ທີ 13 ທັນວາ 2014 ໂດຍ​ໃຫ້ການຕ້ອນຮັບ​ຂອງ​ທ່ານ ບຸນ​

ທາມພຸດທະ​ວົງສາ ເຈົ້າເມືອງ​ຫາດ​ຊາຍຟອງ ພ້ອມ​ດ້ວຍ​ຄະນະ.

ການ​ລົງ​ຢ້ຽມຢາມ​ເມືອງ​ຫາດຟອງ​ຄັ້ງ​ນີ້ ທ່ານ​ເຈົ້າ​ຄອງ​ນະຄອນ​ຫຼວງ ກໍ່​ໄດ້​ຮັບ​ຟັງ​ການ​ລາຍງານ​ສະພາບ​ການ

ເຄື່ອນໄຫວ ວຽກ​ງານ​ຂອງ​ດ່ານ​ພາສີ​ທ້ອງຖິ່ນທ່າ​ເດື່ອ ໃນ​ດ້ານ​ການຈັດຕັ້ງ ຈຳນວນ​ພົນລະບົບ​ດ້ານ​ການເມືອງ

-ແນວ​ຄິດ​ຂອງ​ພະນັກງານ ດ້ານ​ວຽກ​ງານ​ວິຊາ​ສະເພາະ​ລວມ​ທັງ​ການ​ເກັບ​ລາຍ​ຮັບ​ເຂົ້າ​ງົບປະມານ ສົກ​ປີ 2013

-2014 ແລະ ແຜນ​ເກັບ​ລາຍ​ຮັບ​ສົກ​ປີ 2014-2015 ປະເພດ​ສິນຄ້າ ເຄື່ອງ​ຂອງ​ທີ່​ນຳ​ເສຍ​ພາສີ ເປັນຕົ້ນ​ເຄື່ອງອຸ

​​ປະ​ໂພກ-ບໍລິໂພກ ກໍ່​ຄືບັນ​ຫາ​ທີ່​ສະດວກ ແລະ ຂໍ້​ຫຍຸ້ງຍາກ​ຢູ່​ພາຍ​ໃນ​ດ່ານ​ໃນໄລຍະ​ຜ່ານ​ມາ ແລະ ໄດ້​ສະເໜີ

ແຜນ​ກໍ່ສ້າງ​ສ້ອມແປງ​ໃນ​ບໍລິເວນ​ບາງ​ຈຸດ ໂດຍ​ສະເພາະລະບົບຂາ​ເຂົ້າ-ຂາ​ອອກ ແລະ ບ່ອນເກັບ​ຄ່າ​ທຳນຽມ.

ຜ່ານ​ການ​ຮັບ​ຟັງ​ການ​ລາຍງານ​ທ່ານ​ເຈົ້າ​ຄອງ​ນະຄອນຫຼວງ ກໍ່​ໄດ້​ສະແດງ​ຄວາມ​ຊົມເຊີຍ​ມາຍັງ​ອຳນາດ​ການ​ປົກ

ຄອງ​ເມືອງ ແລະ ພະນັກງານ​ຮັບຜິດຊອບດ່ານ ທີ່​ເຮັດ​ສຳເລັດ​ໜ້າ​ວຽກງານ​ໃນ​ໄລຍະ​ຜ່ານ​ມາ ພ້ອມ​ນັ້ນ ທ່ານ​ຍັງ

​ໄດ້​ເນັ້ນ​ຕື່ມ​ບາງ​ດ້ານ ​ເປັນຕົ້ນ​ໃຫ້​ດ່ານ​ພາສີ​ທ້ອງຖິ່ນ​ທ່າ​ເດື່ອ ເອົາໃຈໃສ່​ບັນຫາ​ຄວາມ​ສະຫງົບປອດ​ໄພ ຄວາມ

​ສະດວກ​ໃນ​ການໄປມາຫາສູ່​ຂອງ​ປະຊາຊົນ ຕ້ອງພັດທະນາ​ດ່ານ​ໂດຍ​ມອບ​ໃຫ້ເມືອງ​ເປັນ​ຜູ້​ຄົ້ນຄວ້າ ​ສ້າງ​ແຜນ

ຫາ​ທຶນຮອນ​ເພື່ອ​ມາ​ປັບປຸງ​ດ່ານ ແລະ ຮັບ​ໃຊ້​ພໍ່​ແມ່​ປະຊາຊົນ​ໃນເມືອງ ແລະ ປະເທດ​ໃກ້​ຄຽງ ເພື່ອ​ສ້າງ​ໃຫ້​ມີ​

ລາຍ​ຮັບ ແລະ ສົ່ງເສີມ​ສິນຄ້າ​ຕ້ອງ​ຜະລິດ​ໃຫ້​ມີ​ສິນຄ້າ​ຂາ​ອອກ ມີ​ວິທີ​ການ​ຊອກ​ຫາແຫຼ່ງ​ຕະຫຼາດ​ ເພື່ອ​ສົ່ງ​ອອກ

​ສິນຄ້າ​ຕອບ​ສະໜອງ​ໃຫ້​ຫຼາຍ​ຂຶ້ນ.

ຕອນ​ທ້າຍ​ທ່ານ​ເຈົ້າ​ຄອງ​ນະຄອນ​ຫຼວງ ພ້ອມ​ຄະນະ ​ຍັງ​ໄດ້​ໄປຢ້ຽມ​ເບິ່ງ​ໂຄງການ​ກໍ່ສ້າງ​ເຂດເສດຖະກິດ​ສະເພາະ

​ດົງ​ໂພ​ສີ UPL ລາວ ຈຳກັດ ໂດຍ​ການຕ້ອນຮັບ​ຂອງ​ທ່ານ ສຸບັນ ຈຸນ​ລາຊາ ປະທານ​ສະພາ​ບໍລິຫານ​ເຂດເສດຖະ

ກິດ​ສະເພາະ​ດົງ​ໂພ​ສີ ມີທ່ານ ທັນ​ໄຕ​ຫິງ (Than Tai Hinh) ທູດ​ມາ​ເລ​ເຊຍ​ປະຈຳ ​ສປປ ລາວ ສຳລັບ​ໂຄງການ​ດັ່ງ

ກ່າວ ເປັນ​ໂຄງການ​ລົງທຶນ​ຂອງ​ປະເທດມາ​ເລ​ເຊຍ ໂດຍ​ມີ​ຈຸດປະສົງ​ໃນການ​ພັດທະນາ​ເຂດ​ດັ່ງກ່າວ​ ໃຫ້ເປັນ​ເຂດ

​ການ​ຄ້າ​ການ​ບໍລິການ ແລະ ມີ​ກິດຈະການ​ຕ່າງໆ​ຫຼາຍກວ່າ 10 ປະເພດ ເຊັ່ນ: ຮ້ານ​ຄ້າປອດ​ພາສີ ສູນ​ວາງສະແດງ

​ສິນຄ້າ​ທັງ​ພາຍ​ໃນ ແລະ ຕ່າງ​ປະເທດ ທະນາຄານ ໂຮງແຮມ ໂຮງໝໍ ແລະ ອື່ນໆ ເຊິ່ງ​ທ່ານ​ເຈົ້າຄອງ​ນະຄອນຫຼວງ

ກໍ່​ໄດ້​ເນັ້ນ​ໃຫ້ໂຄງການ​ເອົາໃຈໃສ່ 3 ບັນຫາຕົ້ນຕໍ ໂຄງການ​ມີ​ຄວາມ​ຫຼ້າ​ຊ້າ ບໍ່​ຄືບ​ໜ້າ ໃຫ້​ເລັ່ງ​ລັດ​ເພື່ອ​ເຮັດ​ໃຫ້ໂຄງ

ການ​ມີ​ການ​ພັດທະນາ​ທັນສະໄໝ ສີວິໄລ ບໍ່​ໃຫ້​ມີ​ການ​ກົດໜ່ວງ​ທ່ວງ​ດຶງ ຕ້ອງ​ມີ​ການ​ປະສານ​ງານ​ກັບ​ພາກສ່ວນ

​ຕ່າງໆ​ທີ່ກ່ຽວຂ້ອງ ແລະ ອຳນວຍ​ຄວາມສະດວກ​ສະບາຍ​ຢ່າງ​ຄົບ​ຖ້ວນ.

ແຫລ່ງຂ່າວ: ວຽງຈັນໃໝ່