ການແຂ່ງຂັນປືນສັ້ນສິນລະປະຍຸດ ລະດັບ 2 ຈັດຂຶ້ນໃນວັນທີ 12 ຕຸລາ ທີ່ຜ່ານມາ, ຢູ່ຈັງຫວັດຂອນແກ່ນ ປະເທດໄທ ມີນັກກີລາເຂົ້າຮ່ວມທັງໝົດ 72 ຄົນ. ໃນນັ້ນ, ມີນັກກີລາລາວເຂົ້າ ຮ່ວມ 3 ຄົນ ຍິງ 2 ຄົນ.
ສຳລັບຜົນການແຂ່ງຂັນ ນັກກິລາລາວ ສາມາດຍາດໄດ້ 5 ລາງວັນຄື: ນາງ ກົງຄຳ ບົວແສງພະຈັນ ລົງແຂ່ງຂັນປະເພດສະແຕນດາດ (Standard) ໄດ້ທີ 3 ຄລາສດີ (Class D) ແລະ ໄດ້ທີ 1 ເລດີ້, (Lady), ທ້າວ ສຸພົນສາ ນິຍົມ ລົງແຂ່ງຂັນປະເພດໂປຣດັກຊັ່ນ (Production) ໄດ້ທີ 3 ໂອເວີອໍ (Overall) ແລະ ໄດ້ທີ 1 ຄລາສເອ (Class A) ແລະ ນາງ ມະນີບົດ ວົງໄຊ ລົງແຂ່ງຂັນປະເພດໂປຣດັກຊັ່ນ ໄດ້ທີ 1 ເລດີ້ (Lady).
ຂ່າວ: ໜັງສືພິມວຽງຈັນໃໝ່