ແຈ້ງການຂອງຫ້ອງວ່າການແຂວງຫົວພັນ ສະບັບເລກທີ 875/ຫວຂຫພ ລົງວັນທີ 9 ຕຸລາ 2024. ອິງຕາມ: ຜົນເສຍຫາຍຂອງໄພພິບັດ ຄັ້ງວັນທີ 22 ກັນຍາ 2024.
ເຈົ້າເມືອງຊໍາເຫນືອ ຂໍຖືເປັນກຽດຢ່າງສູງແຈ້ງມາຍັງບັນດາທ່ານ ແລະ ການຈັດຕັ້ງທຸກພາກສ່ວນຮັບຊາບວ່າ: ເຫັນດີ ໃຫ້ໂຈະການຈັດງານບຸນປະເພນີຊ່ວງເຮືອ ແລະ ໄຫຼເຮືອໄຟ ປະຈໍາປີ 2024 ຢູ່ເມືອງຊໍາເຫນືອ, ເນື່ອງຈາກວ່າ ເມືອງຊໍາເຫນືອ ພວກເຮົາໄດ້ປະສົບໄພພິບັດທາງທໍາມະຊາດຄັ້ງຮ້າຍແຮງ ເປັນປະຫວັດສາດຂອງເມືອງຊໍາເຫນືອ ໃນມື້ວັນທີ 22 ກັນຍາ 2024 ເຊິ່ງເຮັດໃຫ້ ເຮືອນຊານບ້ານຊ່ອງຂອງພໍ່ແມ່ປະຊາຊົນ ໄດ້ຮັບຜົນກະທົບຢ່າງຫຼວງຫຼາຍ ແລະ ສະຖານທີ່ຈັດງານບຸນ ມີການເປ່ເພ ບໍ່ສາມາດຮອງຮັບໃນການຈັດງານນີ້ໄດ້.
ດັ່ງນັ້ນ, ຈິ່ງແຈ້ງມາຍັງບັນດາທ່ານເພື່ອຮັບຊາບດ້ວຍ.