spot_img
Homeແຈ້ງການໂຈະການຈັດງານພິທີສະເຫຼີມສະຫຼອງວັນຄູ ໃນສະຖານສຶກສາ ແລະ ກິດຈະກຳຕ່າງໆໃນຂອບເຂດ ເມືອງໄຊເສດຖາ ນວ

ໂຈະການຈັດງານພິທີສະເຫຼີມສະຫຼອງວັນຄູ ໃນສະຖານສຶກສາ ແລະ ກິດຈະກຳຕ່າງໆໃນຂອບເຂດ ເມືອງໄຊເສດຖາ ນວ

Published on

ພະແນກສຶກສາທິການ ແລະ ກິລາ ນະຄອນຫຼວງວຽງຈັນອອກແຈ້ງການດ່ວນກ່ຽວກັບການໂຈະການຈັດງານພິທີສະເຫຼີມສະຫຼອງວັນຄູໃນສະຖານການສຶກສາ ແລະ ກິດຈະກໍາຂະບວນການຕ່າງໆໃນສະຖານການກິລາ.

ເພື່ອເຮັດໃຫ້ການຈັດຕັ້ງປະຕິບັດຕາມຄໍາສັ່ງຂອງທ່ານຮອງເຈົ້ານະຄອນຫຼວງວຽງຈັນ ໄດ້ຖືກຈັດຕັ້ງປະຕິບັດ ເປັນເອກະພາບກັນໃນທົ່ວຂົງເຂດການສຶກສາ ແລະ ຫົວຫນ່ວຍທຸລະກິດກິລາພາຍໃນເມືອງ ໄຊເສດຖານະຄອນຫຼວງວຽງຈັນ.

ຫ້ອງການສຶກສາທິການ ແລະ ກິລາເມືອງໄຊເສດຖາ ນະຄອນຫຼວງວຽງຈັນ ຂໍຖືເປັນກຽດແຈ້ງມາຍັງ ທ່ານຜູ້ອໍານວຍການໂຮງຮຽນ,ສູນການສຶກສານອກໂຮງຮຽນ,ຫົວຫນ່ວຍທຸລະກິດກິລາທັງພາກລັດ ແລະ ເອກະຊົນ ພາຍໃນເມືອງໄຊເສດຖາ, ນະຄອນຫຼວງວຽງຈັນ ໃຫ້ປະຕິບັດດັ່ງນີ້:

1. ສະຖານການສຶກສາໃນໂຮງຮຽນ ແລະ ນອກໂຮງຮຽນ ທັງພາກລັດ ແລະ ເອກະຊົນທຸກພາກສ່ວນພາຍ ໃນເມືອງແມ່ນໃຫ້ໃຈະງານພິທີສະເຫຼີມສະຫຼອງວັນຄູແຫ່ງຊາດ ແລະ ບັນດາກິດຈະກໍາຕ່າງໆ ນັບແຕ່ວັນທີ 01 – 20 ຕຸລາ 2024.

2. ສະຖານການກິລາ ແລະ ຫົວຫນ່ວຍທຸລະກິດກິລາ ທັງພາກລັດ ແລະ ເອກະຊົນພາຍໃນເມືອງແມ່ນໃຫ້ ໂຈະການຈັດກິດຈະກໍາ ແລະ ບໍ່ໃຫ້ມີກິດຈະກໍາໃດໆ ນັບແຕ່ວັນທີ 01 – 20 ຕຸລາ 2024.

ຫມາຍເຫດ: ຖ້າມີການປ່ຽນແປງແມ່ນທາງຫ້ອງການສຶກສາທິການ ແລະ ກິລາເມືອງຈະແຈ້ງຕາມພາຍຫຼັງ.
ດັ່ງນັ້ນ; ຈຶ່ງແຈ້ງມາຍັງບັນດາທ່ານເພື່ອຊາບ ແລະ ຈັດຕັ້ງປະຕິບັດຕາມແຈ້ງການນີ້ດ້ວຍ.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...