ສູນພະລັງງານອາຊຽນ (ACE) ມີຄວາມຍິນດີທີ່ຈະປະກາດການອະນຸມັດການຊ່ວຍເຫຼືອທາງເທັກນິກຈຳນວນ 5 ລ້ານໂດລາສະຫະລັດ ຈາກທະນາຄານໂລກ ເພື່ອສະໜັບສະໜູນເຄືອຂ່າຍໄຟຟ້າອາຊຽນ (APG) ໃນວັນສຸກທີ່ 27 ກັນຍາ 2024. ການປະກາດນີ້ໄດ້ມີຂຶ້ນທີ່ກອງປະຊຸມຟໍຣັມທຸລະກິດພະລັງງານອາຊຽນຄັ້ງທີ 24 (AEBF-24) ຢູ່ນະຄອນຫຼວງວຽງຈັນ ສປປ ລາວ, ກ່ອນການປະກາດສາທາລະນະ, ການຈັດສັນເງິນທຶນໄດ້ຖືກແບ່ງປັນໃຫ້ກັບລັດຖະມົນຕີກະຊວງພະລັງງານຂອງອາຊຽນໃນການປະຊຸມລັດຖະມົນຕີກະຊວງພະລັງງານອາຊຽນຄັ້ງທີ 42 (AMEM) ແລະການປະຊຸມທີ່ກ່ຽວຂ້ອງວັນທີ 26 ກັນຍາ 2024.
ການຊ່ວຍເຫຼືອເບື້ອງຕົ້ນນີ້ຈະສະໜັບສະໜູນການພັດທະນາເຄືອຂ່າຍໄຟຟ້າອາຊຽນຕໍ່ໄປ, ເພື່ອເພີ່ມຄວາມເຊື່ອມໂຍງ ແລະຄວາມຢືດຍຸ່ນໃນພາກຕະວັນອອກສຽງໃຕ້ ເປັນສ່ວນໜຶ່ງຂອງການດຳເນີນງານແຜນປະຕິບັດການດ້ານພະລັງງານຂອງອາຊຽນ (APAEC). ການສະໜັບສະໜູນເງິນທຶນນີ້ມີບົດບາດສຳຄັນໃນການສົ່ງເສີມຄວາມມັ່ນຄົງດ້ານພະລັງງານ, ການເຂົ້າເຖິງພະລັງງານ, ຄວາມສາມາດໃນການຈ່າຍ, ແລະຄວາມຢັ່ງຢືນໃນພາກພື້ນທີ່, ໂດຍຈະຖືກບໍລິຫານຈັດການພາຍໃຕ້ ACE ເພື່ອຕອບສະໜອງຕໍ່ຄວາມຕ້ອງການເພາະຂອງສະມາຊິກອາຊຽນ (AMS).
ເບນິ ສຸຣິຢາດີ, ຮັກສາການຜູ້ອຳນວຍການຂອງ ACE ກ່າວເຖິງຄວາມມຸ່ງຫມັ້ນຂອງ ACE ທີ່ຈະກ້າວຫນ້າຕາມເປົ້າຫມາຍດ້ານພະລັງງານຂອງພາກພື້ນທີ່ຜ່ານການຮ່ວມມືນີ້ໂດຍກ່າວວ່າ: “ຂ້ອຍມີຄວາມຮູ້ສຶກເປັນເກຍຮັບຢ່າງຍິ່ງທີ່ໄດ້ຮັບການສະໜັບສະໜູນຈາກທະນາຄານໂລກເພື່ອສົ່ງເສີມເຄືອຂ່າຍໄຟຟ້າອາຊຽນ ການສະໜອງເງິນທຶນນີ້ຈະກະຕຸ້ນຄວາມມຸ່ງຫມັ້ນເພື່ອພັດທະນາໄຟຟ້າທົ່ວທັງພາກພື້ນທີ່ອາຊຽນ, ການສົ່ງເສີມຄວາມມັ່ນຄົງຂອງໄຟຟ້າທັງໃນລະດັບພາກພື້ນທີ່ ແລະໃນລະດັບໂລກ.”
ເຄືອຂ່າຍໄຟຟ້າອາຊຽນ (APG) ມີຄວາມສຳຄັນຢ່າງສູງຕໍ່ການປະສົມປະສານພະລັງງານຂອງອາຊຽນ, ຊ່ອຍໃຫ້ມີການສົ່ງໄຟຟ້າເຂົ້າກັນໄດ້ຢ່າງເໝາະສົມໃນພາກພື້ນທີ່.