ເພື່ອເປັນການເພີ່ມທະວີ ແລະ ເອົາໃຈໃສ່ຕໍ່ວຽກງານສະກັດກັ້ນ ແລະ ຕ້ານອັກຄີໄພ ໃນໄລຍະກະກຽມ ແລະ ດໍາເນີນ ກອງປະຊຸມສຸດຍອດອາຊຽນ ຄັ້ງທີ 44-45 ແລະ ບັນດາກອງປະຊຸມປິ່ນອ້ອມ ທີ່ຈັດຂຶ້ນຢູ່ນະຄອຫຼວງວຽງຈັນ ໃຫ້ມີຄວາມ ສະຫງົບ ແລະ ປອດໄພທາງດ້ານອັກຄີໄພ.

ກົມຕຳຫຼວດສະກັດກັ້ນ ແລະ ຕ້ານອັກຄີໄພ ອອກແຈ້ງການ ດັ່ງນີ້: ໃນເວລາ 13:30 – 15:00 ນາທີ ຂອງວັນທີ 02 ຕຸລາ 2024 ກົມຕຳຫຼວດສະກັດກັ້ນ ແລະ ຕ້ານອັກຄີໄພ, ກົມ ໃຫຍ່ຕຳຫຼວດ, ກະຊວງປ້ອງກັນຄວາມສະຫງົບ ຈະໄດ້ສົມທົບກັບ ໂຮງແຮມ ລາດຊະວົງ ຝຶກຊ້ອມການມອດໄຟ, ການໜີໄພ ແລະ ກູ້ໄພ ຂຶ້ນທີ່ໂຮງແຮມລາດຊະວົງ ວັນດ້າ ວິສຕ້າ ເຊິ່ງຕັ້ງຢູ່ ຫຼັກ 5, ເມືອງໄຊເສດຖາ, ນະຄອນຫຼວງວຽງຈັນ.

ບໍ່ໃຫ້ທຸກພາກສ່ວນໃນສັງຄົມແຕກຕື່ນ, ຢ້ານກົວ ແລະ ລົງສື່ອອນລາຍ ທີ່ບໍ່ຖືກຕ້ອງຕາມຄວາມເປັນຈິງ ດັ່ງນັ້ນ; ກົມຕຳຫຼວດສະກັດກັ້ນ ແລະ ຕ້ານກັກຄີໄພຈຶ່ງແຈ້ງການມາຍັງທຸກພາກສວ່ນຮັບຊາບ.