ປະຈຸບັນ, ໄຂ້ຍຸງລາຍ ຍັງສືບຕໍ່ແຜ່ລະບາດຢ່າງກວ້າງຂວາງ ເພີ່ມຂຶ້ນເລື້ອຍໆໃນທົ່ວປະເທດ ແລະ ຍັງເຮັດໃຫ້ເກີດມີກໍລະນີຜູ້ເສຍຊີວິດອີກດ້ວຍ, ໂດຍສະເພາະຢູ່ແຂວງວຽງຈັນ ມີຜູ້ປ່ວຍໄຂ້ຍຸງລາຍແລ້ວ 979 ກໍລະນີ ແລະ ເສຍຊີວິດ 1 ຄົນແລ້ວ (ເພດຊາຍ ອາຍຸ 14 ປີ) ຢູ່ບ້ານໂພນແກ້ວ ເມືອງໂພນໂຮງ ແຂວງວຽງຈັນ ໃນວັນທີ 25 ກັນຍາ 2024 ຜ່ານມານີ້.
ສູນຂ່າວສານການແພດສຸຂະສຶກສາ ໄດ້ລາຍງານວ່າ: ນັບແຕ່ຕົ້ນເດືອນມັງກອນ 2024 ມາຮອດວັນທີ 25 ກັນຍາ 2024 ຜ່ານມານີ້, ມີຜູ້ປ່ວຍໄຂ້ຍຸງລາຍ ສະສົມແລ້ວ 15.701 ກໍລະນີ, ໃນນັ້ນ ແຂວງທີ່ມີການແຜ່ລະບາດຫຼາຍກວ່າໝູ່ໃນທົ່ວປະເທດ ແມ່ນນະຄອນຫຼວງວຽງຈັນ 4.409 ກໍລະນີ ແລະ ມີຈຳນວນຜູ້ເສຍຊີວິດແລ້ວ 10 ຄົນ (ນະຄອນຫຼວງວຽງຈັນ 3 ຄົນ, ແຂວງ ຫຼວງພະບາງ 3 ຄົນ, ແຂວງ ເຊກອງ 2 ຄົນ, ແຂວງຫຼວງນໍ້າທາ 1 ຄົນ ແລະ ແຂວງວຽງຈັນ 1 ຄົນ).
ຂໍ້ມູນຈາກ: ສູນຂ່າວສານການແພດສຸຂະສຶກສາ