ອີງຕາມສຳນັກຂ່າວ BBC ລາຍງານໃນວັນທີ 25 ກັນຍາ 2024 ນີ້ວ່າ ເວັບໄຊ້ ຣາຊກິດຈານຸເບກສາ ປະກາດ ກົດໝາຍສົມລົດເທົ່າທຽມ ມີຜົນບັງຄັບໃຊ້ 120 ວັນຫຼັງປະກາດ ຫຼື ໃຊ້ໄດ້ໃນວັນທີ 22 ມັງກອນ ປີ2025.
ກົດໝາຍນີ້ໃຊ້ເວລາຫຼາຍກວ່າ 20 ປີ ຜ່ານການຕໍ່ຕ້ານ ແລະ ການສະໜັບສະໜູນ ຈົນມາຮອດວັນທີ່ສະພາຜູ້ແທນລາຊະດອນເຫັນດີດ້ວຍຄະແນນສຽງ 400 ຕໍ່ 10 ເມື່ອເດືອນ ມີນາ 2024 ທີ່ຜ່ານມາ ແລະ ສາມເດືອນຫຼັງຈາກນັ້ນ ໃນກອງປະຊຸມວຸດທິສະພາກໍເຫັນດີດ້ວຍຄະແນນສຽງ 130 ສຽງຕໍ່ 10 ສຽງ.
ກົດໝາຍດັ່ງກ່າວໄດ້ປະກາດຢ່າງເປັນທາງການຜ່ານເວັບໄຊ້ ຣາຊກິດຈານຸເບກສາ ເມື່ອວັນທີ 24 ກັນຍາ 2024 ໂດຍມີຜົນບັງຄັບໃຊ້ 120 ວັນ ຫຼື 22 ມັງກອນ ປີ 2025.
ກົດໝາຍສົມລົດເທົ່າທຽມຈະເຮັດໃຫ້ຜູ້ທີ່ມີອາຍຸ 18 ປີຂຶ້ນໄປ ສາມາດຈົດທະບຽນສົມລົດ ຫຼື ຍ່າຮ້າງໄດ້ຕາມກົດໝາຍ ມີສິດໄດ້ຮັບປະໂຫຍດ ແລະ ສະວັດດິການຈາກລັດໃນຖານະຄູ່ສົມລົດເຊັ່ນ: ສິດປະກັນສັງຄົມ ແລະ ສິທິການເບິກຈ່າຍຄ່າຮັກສາໂຮງໝໍ ລວມເຖິງສິດໃນການຕັດສິນໃຈເລື່ອງທາງການແພດ ແລະ ສິດສິດຈັດການຊັບສິນຂອງຄູ່ສົມລົດເປັນຕົ້ນ.
ທັງນີ້ໄທເປັນຊາດທຳອິດໃນອາຊຽນ ແລະ ເປັນປະເທດທີ 3 ໃນອາຊີທີ່ຜ່ານກົດໝາຍສົມລົດເທົ່າທຽມເຊິ່ງການຮັບຮອງຂອງເພດດຽວກັນ ໂດຍປ່ຽນຈາກຄຳວ່າ: ສາມີ-ພັນລະຍາ ເປັນ ຄູ່ສົມລົດ ເພື່ອເປັນໄປຕາມຫຼັກການໃນລັດຖະທຳມະນູນທີ່ລະບຸວ່າບຸກຄົນຕ້ອງເທົ່າທຽມກັນໃນກົດໝາຍ.
ທີ່ມາ: BBC