1) ເລີ່ມວັນທີ 23-25/9/2024 ໃຫ້ແຕ່ລະພາກສ່ວນໂຈະການເຮັດວຽກຊົ່ວຄາວເພື່ອຈັດແບ່ງພະນັກງານປະຈໍາການ ແລະ ແບ່ງພະນັກງານລົງຊ່ວຍຄອບຄົວພະນັກງານ ແລະ ບ້ານທີ່ໄດ້ຮັບຜົນກະທົບ 10 ບ້ານຢູ່ຕົວເມືອງຊໍາເຫນືອ ທີ່ໄດ້ຮັບຜົນກະທົບຈາກໄພພິບັດຄັ້ງວັນທີ 22/9/2024.

2) ມອບໃຫ້ພະແນກ ຍທຂ ແຂວງເອົາໃຈໃສ່ເລັ່ງລະບົບນໍ້າປະປາພາຍໃນຕົວເມືອງໃຫ້ນໍາໄດ້ປົກກະຕິ, ເຄຍພື້ນທີ່ ເສັ້ນທາງທີ່ຖືກດິນເຈື່ອນໃຫ້ຈາລະຈອນໄດ້ ແລະ ສົມທົບກອງບັນຊາການຕໍາຫຼວດແຂວງ(ນໍ້າໃຊ້ລົດດັບເພິ່ງຊິດ ອະນາໄມຂອບເຂດທີ່ຖືກຜົນກະທົບໄພນໍ້າຖ້ວມຕາມແຕ່ລະຈຸດທີ່ສາມາດເຂົ້າເຖິງໄດ້.

3) ມອບໃຫ້ຄະນະບໍລິຫານງານຊາວຫນຸ່ມແຂວງເຕົ້າໂຮມກ້ອນກໍາລັງສະມາຊິກຊາວຫນຸ່ມຈັດແບ່ງໄປຊ່ວຍບັນດາຄອບຄົວ
ຖືກໄພພິບັດໃນແຕ່ລະຈຸດຕາມຄວາມເຫມາະສົມ.

4) ສໍາລັບຄວາມຮັບຜິດຊອບຂອງແຕ່ລະພະແນກການຈະມີແຜນແບ່ງຕິດຕັດມາພ້ອມ ແລະ ສ່ວນຄ່າສິ້ນເປືອງຕ່າງໆຂໍ ມອບໃຫ້ເປັນພັນທະປະກອບສ່ວນຮ່ວມກັນໃນການແກ້ໄຂໄພພິບັດໃນຄັ້ງນີ້. ຫາກມີບັນຫາໃດທີ່ຈໍາເປັນແທ້ຈິງສະເຫນີລາຍງານຫາຫ້ອງວ່າການເເຂວງເພື່ອຂໍທິດຊີ້ນໍາຈາກການນໍາແຂວງ.

5) ສ່ວນເຄື່ອງມືອຸປະກອນມອບໃຫ້ແຕ່ລະພາກສ່ວນກະກຽມຄວາມພ້ອມຕາມຄວາມເຫມາະສົມ ແລະ ລົງກວດກາເບິ່ງຕົວຈິງຢູ່ແຕ່ລະເຂດທີ່ໄດ້ມອບຫມາຍ.